Terorızmdi nasıhattaǵany jáne basqa da qylmystary úshin qamaýǵa alynǵan eki QR azamatyna qatysty sot prosesteri aıaqtaldy, dep habarlaıdy aqshamnews.kz.
Olardy buǵan deıin UQK ustaǵan bolatyn.
UQK baspasóz qyzmetiniń málimetinshe, solardyń biri – Taraz turǵyny, aınalasyndaǵylardy sheteldegi lańkester qatarynda soǵys áreketterine qatysýǵa shaqyryp, sonymen qatar ózi de olarǵa qosylýdy josparlaǵan.
Taraz qalalyq sotynyń sheshimimen ol terorızmdi nasıhattaǵany (QK-niń 256-baby), dinı arazdyqty qozdyrǵany úshin (QK-niń 174-baby) kináli dep tanylyp, 7 jylǵa bas bostandyǵynan aıyryldy.
Taǵy bireýi – Almaty turǵyny, jalpy qylmystar úshin birneshe ret sotty bolǵan, ǵalamtor jelisinde radıkaldy ıdeologıany nasıhattaǵan.
Almaty qalalyq sotynyń sheshimimen ol terorızmdi nasıhattaǵany (QK-niń 256-baby), esirtkini zańsyz paıdalanǵany úshin (QK-niń 296-baby) kináli dep tanylyp, 7 jyl 1 aıǵa bas bostandyǵynan aıyryldy.
Jalpy, 2024 jyl basynan terorıstik jáne ekstremıstik áreketteri úshin 84 adam sottalǵan.