Almatyda sońǵy eki jylda IT-ekojúıeni damytýǵa 19,2 mln AQSH dollary (9,9 mlrd teńge) ınvestısıa tartyldy, dep habarlaıdy aqshamnews.kz.
Bul týraly qalanyń sıfrlandyrý basqarmasy habarlady.
Shahar basshysy Erbolat Dosaevtyń tapsyrmasymen Almatyda 2022–2024 jyldarǵa arnalǵan «Almaty IT-ekojúıesin damytý» úsh jyldyq jobasy júzege asyrylýda. Joba smart-qalalar, jasandy ıntellekt, úlken derekter jáne turaqty damý sıaqty negizgi baǵyttarda IT-ekojúıeni damytýǵa jáne startaptardy qoldaýǵa baǵyttalǵan.
MOST is-sharalaryna 7 myńnan astam adam qatysty. Tartylǵan ınvestısıalardyń jalpy somasy 19,2 mln AQSH dollary, al startaptardyń jıyntyq tabysy 5,37 mlrd teńgege jetti. Joba aıasynda 2 049 jumys orny quryldy.
Akselerasıa jáne ınkýbasıa baǵdarlamalaryn 309 startap sátti aıaqtady, olardyń 16-sy halyqaralyq naryqtarda satylymdaryn rastady. Joba aıasynda 1 189 IT-maman men 101 kásipker oqytyldy.
Sonymen qatar, «Digital Urban Planner, Smart City Engineer» baǵdarlamasy boıynsha 55 maman daıarlandy.