Al taýyqtyń san etiniń baǵasy 23%-ǵa ósken.
Biraq Qazaqstanda qus etin óndirý artyp keledi, dep habarlaıdy Almaty-akshamy.kz Energyprom.kz saıtyna silteme jasap.
Aǵymdaǵy jyldyń qańtar aıynda Qazaqstanda 8,3 myń tonna jańa nemese salqyndatylǵan qus eti óndirildi, bul bir jyl burynǵydan 0,5 paıyzǵa artyq. Muzdatylǵan qus etin óndirý bir jylda 9,7 paıyzǵa ósip, 11,6 myń tonnany qurady.
Óńirlik turǵydan alǵanda, Aqmola oblysy jańa soıylǵan nemese salqyndatylǵan qus etin óndirý boıynsha kóshbasshy bolyp tur: 2,9 myń tonna. Úzdik úshtikke Shyǵys Qazaqstan men Almaty oblystary da kirdi.
Muzdatylǵan qus etin óndirý boıynsha Almaty oblysy kósh bastap tur: 5,7 myń tonna. Ekinshi jáne úshinshi orynda Aqmola jáne Shyǵys Qazaqstan oblystary ornalasqan.
Jalpy alǵanda, 2021 jyldyń qańtar-jeltoqsan aılarynda elimizde 110,3 myń tonna salqyndatylǵan jáne 127,4 myń tonna muzdatylǵan qus eti óndirildi, al bir jyl buryn bul kórsetkish 100,5 myń jáne 112 myń tonna bolǵan.
2021 jyldyń 12 aıynyń qorytyndysy boıynsha, jergilikti kásiporyndar qus etine jáne taǵamdyq janama ónimderge degen suranysty (ishki naryqtaǵy satý men eksportty qosqanda) (2020 jyldyń osy kezeńinde 56,3% bolǵan) 62,6%-ǵa qanaǵattandyra aldy. Importtyń úlesi 37,4 paıyzdy qurady. Qazaqstan 168,5 myń tonna «aq» etti ımporttady, bul bir jyl burynǵydan 7,6%-ǵa az.
İshki naryqtaǵy satý bir jylda 5,2%-ǵa ósip, 426,5 myń tonnany qurady.
Aǵymdaǵy jyldyń aqpan aıynda Qazaqstan Respýblıkasyndaǵy bólshek saýda núktelerinde taýyqtyń quny jylyna 17,2%-ǵa ósip, kelisi 1,1 myń teńgege, taýyqtyń aıaqtary – birden 22,8%-ǵa, kelisi 958 teńgege deıin ósti.
Taýyq eti Shymkentte bir jylda birden 35,2%-ǵa aıtarlyqtaı qymbattady. Qymbatshylyqtan alda turǵan oblystar qataryna Túrkistan jáne Qaraǵandy oblystary da kirdi. Taýyq eti baǵasynyń eń joǵary jyldyq ósimi Túrkistan (jylyna birden 55,8%), Aqtóbe (41,3%) jáne Mańǵystaý (37,6%) oblystarynda baıqaldy.
Aqtaýda jáne (kelisi 1,3 myń teńge), Nur-Sultanda taýyq etiniń (kelisi 1,1 myń teńge) eń qymbat ekeni belgili boldy.
Al Qazaqstannyń jumyrtqa óndirýshileri qaýymdastyǵy Reseıge salynǵan sanksıalardyń valúta baǵamyna áserine alańdaýly, dep habarlaıdy Habar24. Dollarǵa qatysty rúbl baǵamy teńgege qaraǵanda tezirek quldyrady. Bul araqatynas kórshi memlekettiń ónimderin arzandatady. Bul Qazaqstanǵa taýardyń arzan baǵamen ákelinýine ákelip soǵady, al eldegi qus fabrıkalary josyqsyz báseke jaǵdaıynda satyp alýshy úshin kúresýge májbúr bolady, dep sanaıdy qaýymdastyq.