Ol buǵan deıin «M.H. Dýlatı atyndaǵy Taraz óńirlik ýnıversıteti» KEAQ basqarma tóraǵasy – rektory bolyp jumys istedi.
QR Úkimetiniń qaýlysymen Talǵat İlıasuly Eshenqulov Qazaqstan Respýblıkasynyń ǵylym jáne joǵary bilim vıse-mınıstri qyzmetine taǵaıyndaldy, dep habarlaıdy Almaty-akshamy.kz QR Premer-Mınıstriniń baspasóz qyzmetine silteme jasap.
Talǵat Eshenqulov 1978 jyly Jambyl oblysynda týǵan.
M.H. Dýlatı atyndaǵy Taraz memlekettik ýnıversıtetin, QR Prezıdenti janyndaǵy Memlekettik basqarý akademıasyn bitirgen. Memlekettik basqarýdyń Ulttyq mektebinde magıstratýrada, QR Prezıdenti janyndaǵy Memlekettik basqarý akademıasynda doktorantýrada oqyǵan.
Eńbek jolyn 1997 jyly aǵa býhgalter qyzmetinen bastaǵan.
2000-2007 jyldary Jambyl oblystyq sotynda, Jambyl oblysynyń Ádilet basqarmasynda jáne Ádilet departamentinde jumys istedi.
2007-2011 jyldary QR Bilim jáne ǵylym mınıstrligi Jambyl oblysynyń Balalardyń quqyqtaryn qorǵaý departamentin basqardy.
2011-2016 jyldary QR Joǵarǵy Sotynyń, Respýblıkalyq búdjettiń atqarylýyn baqylaý jónindegi esep komıtetiniń, Qorshaǵan ortany qorǵaý mınıstrliginiń qurylymdarynda jumys istedi.
2016-2018 jyldary – QR BǴM Bilim jáne ǵylym salasyndaǵy baqylaý komıteti tóraǵasynyń orynbasary.
2018 jylǵy naýryzdan qyrkúıekke deıin QR bilim jáne ǵylym vıse-mınıstri qyzmetin atqardy.
2018-2020 jyldary – QR BǴM Bilim jáne ǵylym salasyndaǵy sapany qamtamasyz etý komıtetiniń tóraǵasy, QR bilim jáne ǵylym vıse-mınıstri.
2020 jyldan 2021 jylǵa deıin QR BǴM Bilim jáne ǵylym salasyndaǵy sapany qamtamasyz etý komıtetiniń tóraǵasy qyzmetin atqardy.
2021 jylǵy maýsymnan bastap osy ýaqytqa deıin «M.H. Dýlatı atyndaǵy Taraz óńirlik ýnıversıteti» KEAQ basqarma tóraǵasy – rektory bolyp jumys istedi.