Brazılıanyń Kashıas-dý-Sýl qalasynda ótken XHİV jazǵy Sýrdlımpıada oıyndaryna Ulttyq qurama sapynda Jambyl oblysynan 13 sportshy qatysyp, 11 medal ıelendi.
Aımaq basshysy Nurjan Nurjigitov júldegerlermen kezdesip, sportshylarǵa páter kiltterin tabystady, dep habarlaıdy Almaty-akshamy.kz
Erkin kúresten 2-oryn ıelengen Ǵabıt Esjanov pen Ǵasyr Turǵynbaıǵa, dzúdodan 2-oryn alǵan Anna Kramorovaǵa 2 bólmeli páterdiń sertıfıkaty tabystaldy. Al, taekvondodan 3-oryn ıelengen Oljas Rysjanovqa, grek-rım kúresinen 3-oryn alǵan Asan Nurjanǵa, dzúdodan 3-oryn alǵan Ferıde Kara oglyǵa 1 bólmeli páterdiń sertıfıkattary tapsyryldy.
Sondaı-aq dzúdo, grek-rım, erkin kúresterinen jáne jeńil atletıka men júzýden túrli oryndardan kóringen sportshylar Aıdos Túgelbaev, Evelına Egemberdıeva, Abzal Dosjanov, Shyńǵysqan Áldıbaev, Iana Sıbırákova, Rýslan Raımbekov, Sofá Zakýtnaıaǵa estelik syılyqtar berildi. Sonymen qatar, jattyqtyrýshylar Ernazar Qonysbaev (erkin kúresten), Aleksandr An (taekvondo), Rınat Ismaılov (grek-rım kúresi), Askar Ýsýbalıevke (júzý) jáne sportshylarǵa Alǵys hattar men arnaıy sertıfıkattar tabystaldy.
Oblys ákimi el namysyn qorǵap, nátıjeli óner kórsetken sportshylardy quttyqtap, rızashylyǵyn jetkizdi. Jattyqtyrýshylarynyń da zor úlesin aıryqsha atap ótti. Sondaı-aq oblystyń sport salasynda atqarylyp jatqan jumystar men oń kórsetkishterge, bul baǵytta Memleket basshysynyń tapsyrmasyna sáıkes aýqymdy qoldaýlar kórsetilip jatqanyna nazar aýdardy.
Óz kezeginde jattyqtyrýshylar men sportshylar yqylas bildirgen oblys basshylyǵyna rızashylyqtaryn aıtyp, arnaıy jataqhana, sport keshenin salý boıynsha usynystaryn alǵa tartty.
Aıta ketsek, XHİV jazǵy Sýrdlımpıada oıyndarynda Qazaqstan Ulttyq quramasynyń 65 oıynshysy sporttyń 9 túrinen el namysyn qorǵady. Jalpy medaldik esepte 73 eldiń arasynda Ulttyq qurama 13-orynǵa turaqtady.