Telegram-arnalarda balalardy birinshi synypqa qabyldaý úshin saýsaq izderi men ıntımdik ómiri týraly anyqtama talap etiledi degen aqparat taraǵan.
Bilim mınıstrliginiń aqparatyna sáıkes, balalardy birinshi synypqa qabyldaý úshin mundaı málimetter usynýdyń qajeti joq, dep habarlaıdy Almaty-akshamy.kz
Balalar birinshi synypqa alty jastan bastap qabyldanady. Balany birinshi synypqa berý úshin ata-ana «Elektrondyq úkimet» portaly arqyly nemese qaǵaz tasymaldaǵyshta 1 sáýirden 1 tamyzǵa deıin mynadaı qujattardy usynady:
ata-analardyń mektepke qabyldaý týraly ótinishi;
balanyń týý týraly kýáligi;
densaýlyq jaǵdaıy týraly anyqtama, №063ý nysan;
balanyń densaýlyq pasporty 026 / ý-3;
balanyń fotosýreti 3h4 sm (2 dana), – dep habarlady vedomstvodan.
Jelide taraǵan habarlamada mektepke barý úshin qajet aqparat tizbesinde mindetti áleýmettik saqtandyrý polısiniń rekvızıtteri, derbes esepshottyń saqtandyrý nómiri syndy tarmaqtar kórsetilgen. Al qazaqstandyqtarda mundaı qujat atymen joq.
«Demek, qazaqstandyq chattarda taratylǵan aqparattyń bizdiń elge qatysy joq», - delingen habarlamada.