«500 ǵalym» jobasy aıasynda shetelde taǵylymdamadan ótetin ǵalymdardy irikteý jalǵasyp jatyr.
Ótinimder 15 naýryzǵa deıin qabyldanady. Bul baǵdarlama Prezıdent Qasym-Jomart Toqaevtyń tapsyrmasyna sáıkes, jyl saıyn 500 ǵalymnyń álemniń jetekshi ǵylymı ortalyqtarynda kásibı quzyrettiligin damytý maqsatynda bekitilgen, dep habarlaıdy Almaty-akshamy.kz Elorda.info saıtyna silteme jasap.
Jetekshi mamandar memleket esebinen taǵylymdamadan ótip, álemniń úzdik joǵary oqý oryndary, ǵylymı ortalyqtary men salalyq uıymdarynda birlesken zertteýler júrgizedi.
«Halyqaralyq baǵdarlamalar ortalyǵy ótinishterdi qabyldaýdy jáne ǵalymdardy irikteýdi ótkizedi. Byltyr biz ǵalymdardy irikteýdiń jańa erejelerin ázirledik. Osynyń arqasynda komısıa quramyna ınjenerlik-tehnıkalyq, medısınalyq, gýmanıtarlyq jáne jaratylystaný ǵylymdarynyń doktorlary endi», - dep atap ótti «Halyqaralyq baǵdarlamalar ortalyǵy» AQ Basqarma tóraǵasy Ánýar Janǵozın.
Taǵylymdamadan ótýge arnalǵan uıymdardyń tizimi halyqaralyq akademıalyq reıtıńterdiń top-250 pozısıasyna kiretin 416 sheteldik joǵary oqý orny, ǵylymı-zertteý ortalyǵy men salalyq uıymdy kózdeıdi.
Olardyń ishinde Prınston, Iel, Tokıo ýnıversıteti, London ımperıalyq koleji, Koreı ozyq tehnologıalar ınstıtýty, Sıngapýr fızıkalyq-hımıalyq zertteýler ınstıtýty, sondaı-aq iri korporasıalar – Maıkrosoft, Eppl Ink, Toıota grýpp, Samsýng jáne t.b. sekildi jetekshi JOO men zertteý ortalyǵy bar.
Memleket taǵylymdamadan ótýshilerge taǵylymdamadan ótý, ushý, medısınalyq saqtandyrý shyǵynyn óteıdi, sondaı-aq aı saıyn stıpendıany tóleıdi.
Ótinimderdi qabyldaý 2023 jylǵy 15 naýryzǵa deıin jalǵasady, sondaı-aq 23 tamyz jáne 13 qazan aralyǵynda ótedi.