Bul úshin merzimdi áskerı qyzmetshiler áskerı qyzmet týraly kýálikti jáne áskerı bılettiń kóshirmesin tapsyrsa bolǵany.
27 qańtarda Ortalyq komýnıkasıalar qyzmetinde ótken brıfıńte Qazaqstan Respýblıkasy Qorǵanys mınıstriniń keńesshisi Aıgúl Tólembaeva áskerı boryshyn ótegen azamattarǵa bilim berý týraly aıtty, dep habarlaıdy Almaty-akshamy.kz.
Aıgúl Tólembaeva 2022 jyldan beri Qorǵanys mınıstrligi áskerge shaqyrylýshylarǵa bilim berýde jeńildikter jasaý jóninde bastama kóterip, kóptegen jumystar atqaryp jatqanyn eske saldy.
«Birinshiden, áskerı boryshyn ótegen jigitter kúntizbelik jyl ishinde UBT-ny esepke almaı, aqyly negizde elimizdiń barlyq joǵary oqý oryndaryna túse alady. Ǵylym jáne joǵary bilim mınıstriniń buıryǵymen bekitilgen qabyldaýdyń úlgilik qaǵıdalaryna tıisti ózgerister engizilgenin atap ótemin. Bul Erejeni Ádilet mınıstrligi bekitti jáne qazir tirkeý satysynda», - dedi Qazaqstan Respýblıkasy Qorǵanys mınıstriniń keńesshisi Aıgúl Tólembaeva.
Spıker mundaı kelisimshart jasasqan 40 joǵary oqý orny tegin bilim alýǵa barlyǵy 3000-ǵa jýyq oryn beretinin aıtty.
Sondaı-aq onyń aıtýynsha, jaýyngerlik daıarlyq salasynda eń joǵary nátıje kórsetken ásker qataryna shaqyrylǵan sarbazdar ýnıversıtet tarapynan 100% jeńildikpen oqýǵa túsýge múmkindik alady. Joǵary oqý oryndarymen tıisti kelisimder jasaldy, olardyń tizimimen departamenttiń resmı saıtynda tanysýǵa bolady.
Spıkerdiń aıtýynsha, merzimdi áskerı boryshyn ótegen áskerı qyzmetshiler de mundaı kafedralar bar joǵary oqý oryndarynyń áskerı kafedralarynda emtıhansyz tegin oqı alady.
«Áskerde boryshyn ótegennen keıin olar zapastaǵy jaýynger atanady, al eger ofıserlik shen alǵylary kelse, áskerı kafedraǵa túsip, zapastaǵy leıtenant ataǵyn alady. Eń bastysy, áskerı boryshyn ótep,jaqsy nátıje kórsetken jigitter Qazaqstan Respýblıkasy Qorǵanys mınıstrliginiń áskerı oqý oryndaryna konkýrstyq irikteý negizinde emtıhansyz túsýge múmkindik alady, qyzmet nátıjeleri boıynsha», - dedi Aıgúl Tólembaeva.
Bul jeńildikterdi paıdalaný úshin merzimdi áskerı qyzmetshiler joǵary oqý oryndaryna qujattar tizimin, halyqqa qyzmet kórsetý ortalyqtarynda beriletin áskerı qyzmet týraly kýálikti jáne áskerı bılettiń kóshirmesin tapsyrsa bolǵany.
"Bul jaǵdaıda olar áńgimelesýdiń negizinde jáne onyń qorytyndysy boıynsha UBT-ny esepke almaı, joǵary oqý oryndaryna túsýge quqyly bolady", - dep sendirdi Aıgúl Tólembaeva.