2024 jylǵy 26 qazanda Almatydaǵy Ortalyq memlekettik mýzeıde IýNESKO-nyń Álemdik murasyna arnalǵan «The Planet of Art – 2024» Halyqaralyq jastar festıvali ótti. 34 eldiń jas sýretshileri mádenı jáne tabıǵı qundylyqtardy saqtaý týraly tereń oıǵa toly shyǵarmalaryn kópshilik nazaryna usyndy.
«The Planet of Art – 2024» festıvali Qazaqstannyń IýNESKO Ulttyq Federasıasynyń 15 jyldyǵyn atap ótýde jáne álemdik mádenı murany qorǵaý jolynda jas sýretshilerdiń basyn biriktiretin erekshe sharaǵa aınalyp otyr.
«The Planet of Art festıvali – mádenıettiń shekarany joıyp, jastyǵyna, ultyna qaramastan adamdardy biriktirý qabiletiniń jarqyn mysaly. Bul jaı ǵana federasıa jobasy emes, bul - dıalog pen shyǵarmashylyqtyń alańy», — dedi IýNESKO Klýbtary Federasıasynyń prezıdenti Bolat Aqsholaqov.
Festıváldiń basty oqıǵasy – jas sýretshilerdiń jumystary qoıylǵan kórme boldy, odan keıin jeńimpazdar Shymbulaqqa plenerge shyǵyp, sheberler Olga Iaıkova men Sharıfa Sharafhodjaevanyń jetekshiligimen tabıǵat kórinisin kenepterine túsirdi.
Festıvál jalǵasy Júrgenov atyndaǵy Qazaq ulttyq óner akademıasynda ótti, munda jas sýretshiler Baýyrjan Báıdildá men Muqan Súleımenovtyń mozaıka jáne akrılmen jumys isteý tehnıkasy boıynsha sheberlik sabaqtaryna qatysty.
IýNESKO Álemdik mura taqyrybyna erekshe nazar aýdaryldy, jas sýretshiler kóne jádigerler, sáýlet óneriniń jaýharlary men tabıǵattyń názik sulýlyǵyn beıneledi. Bul týyndylar keler urpaqqa qandaı mura qaldyratynymyz týraly oılandyrdy.
«The Planet of Art festıvali tek jańa esimderdi ashyp qana qoımaı, mańyzdy qundylyqtardy uǵyndyrady. Biz bul jobany qoldaımyz, sebebi óner ósip kele jatqan urpaqtyń dúnıetanymyn qalyptastyrýda mańyzdy ról atqarady», — dep atap ótti «ERG Komek» QQ dırektory Mádı Ismaılov.
Festıvál qorytyndysy boıynsha fınalısterdiń jumystaryn qamtıtyn álbom usynyldy, bul mádenı birliktiń belgisi boldy. Áleýmettik mańyzy bar bul joba bas seriktesi Eurasian Resources Group (ERG), seriktes CNPC, resmı seriktesteri «Teńizshevroıl» jáne TotalEnergies E&P Kazakhstan tarapynan qoldaý tapty. Bul festıvál balalarǵa, olardyń áleýmettik jaǵdaıy men turǵan jerine qaramastan, óz talanttaryn ashyp, qazaqstandyq jetekshi sheberlermen tegin jumys isteý múmkindigin berdi.
Joba Qazaqstannyń IýNESKO jáne ISESKO isteri jónindegi Ulttyq komısıasy, QR Syrtqy ister mınıstrligi, QR Oqý-aǵartý mınıstrligi, QR Mádenıet jáne aqparat mınıstrligi, Almaty qalasy ákimdigi jáne Almatydaǵy IýNESKO-nyń Óńirlik búrosy qoldaýymen ótti. İs-sharanyń demeýshileri qatarynda Shymbulaq taý shańǵy kýrorty jáne Kinoplexx & Kinopark kınoteatr jelileri bar.
«The Planet of Art – 2024» festıvali mádenıet arqyly ártúrli halyqtardy biriktirýge jáne urpaqtar arasynda mádenı kópirler ornatýǵa bolatynyn dáleldedi.