Esterińizge sala keteıik, Dúnıejúzilik sút bezi obyryna qarsy kúres kúni aıasynda Almaty Onkologıalyq ortalyǵy 2022 jyldyń 1 qazanynan bastap jáne ár senbi saıyn (1,8,15,22,29) sút bezi obyryn erte anyqtaý úshin Ashyq esik kúnderin ótkizedi dep habarlaıdy almaty-akshamy.kz
Osy jaǵdaıǵa baılanysty Onkologıalyq ortalyq barlyq áıelderdi arnaıy mamannyń tekserýinen ótýge shaqyrady.
Onkologıalyq ortalyqtyń klınıkalyq-dıagnostıkalyq bólimshesiniń meńgerýshisi Naıla Aqjolovanyń aıtýynsha, álemde sút bezi qaterli isigi áıelder arasynda keń taralǵan onkologıalyq aýrýlardyń biri bolyp sanalady.
Stresstik jaǵdaılar, durys tamaqtanbaý, jaman ádetter, tuqym qýalaıtyn beıimdilik qaterli isik qaýpin arttyrady. Dáriger sút bezi qaterli isiginiń taralýyn áıelderdiń ómir salty ózgergendigimen, atap aıtqanda, bala týýdyń tómendeýimen, ana sútimen emizý jıiliginiń tómendeýimen baılanystyrady.
«Qaterli isik aýrýynyń damý qaýpin ekologıa, gormonaldy faktorlar, stresstik jaǵdaılar, ıondaýshy sáýlelený, zıandy tamaqtaný, alkogóldi tutyný sıaqty faktorlar arttyrady», – dep túsindirdi maman.
Statısıkaǵa sáıkes, jyl saıyn qalada sút bezi qaterli isigimen aýyratyn 700-ge jýyq áıel anyqtalady, ıaǵnı, qalada kún saıyn 2-shi áıel osy patologıamen aýyrady.
Qaterli isikti erte anyqtaý úshin tómendegi jaǵdaılardy eskergen jón:
- sút bezine turaqty túrde tekserilý;
- emhanadan jylyna mammologtan profılaktıkalyq tekserý;
- 40 jastan 70 jasqa deıingi áıelderge 2 jylda 1 ret mammografıadan ótý.
Erte qaterli isik dıagnozyn anyqtaý arqyly aýrýdy tolyq emdeýge múmkindik beretinin esterińizge salamyz!
Ýaqtyly bastalǵan emdeý – sizdiń sulýlyǵyńyzdy, densaýlyǵyńyzdy ǵana emes, ómirińizdi de saqtaýdyń kepili!