Baǵdarlama sheńberinde merdiger jobany ózi jasap, júzege asyryp, keıin sol joldy ózi qadaǵalaǵany jón.
Qazaqstannyń avtojolshylar qaýymdastyǵynyń ókili arnaıy Ulttyq baǵdarlama ázirleýdi usyndy, dep habarlady Almaty-akshamy.kz.
«Qazaqstannyń avtojolshylar qaýymdastyǵy 2023-2040 jyldarǵa arnaıy Ulttyq baǵdarlama ázirleý qajet dep sanaıdy», - delingen QR IIDM resmı saıtynda jarıalanǵan habarda.
Aqparǵa sáıkes, atalǵan baǵdarlama sheńberinde merdiger jobany ózi jasap, júzege asyryp, keıin sol joldy ózi qadaǵalaǵany jón.
Sondaı-aq, habarda atap ótilgendeı, avtojol jobalaryna búdjetten qarajattyń bólinýi uzaq ýaqytty talap etedi. Sáıkesinshe, jobalyq-smetalyq qujattamadaǵy kórsetilgen materıal men jumys quny sharyqtaı túsip, qurylys maýsymyna deıin usynylǵan baǵalar kúrt ózgeredi.
Máselen, jobalyq-smetalyq qujattama ázirlegende bıtýmnyń baǵasy 80 myń teńge dep kórsetilse, qurylys maýsymynda ol 180-200 myń teńgege deıin sharyqtap ketedi.
Joldaǵy qurylys jumystary mamyr aıynan óz bastaýyn alyp, qyrkúıek aıyna deıin jalǵasatyny belgili. Osy rette qarajatty tek jaz aılaryna ǵana emes, eki-úsh maýsymǵa sozylatyn jobanyń aqshasyn birden berse, tıimdi bolatyn edi.
Bul rette, jol qurylysshylary tenderlik ótinimde banktik kepildikti alýda tapsyrys berýshi tarapynan búrokratıalyq rásimderdiń jáne biliktilik talaptarynyń kóptigine toqtaldy.