Álemdik naryqqa 125 myń tonna munaı shyǵýy múmkin
Naýryzda Baký-Tbılısı-Jeıhan (BTJ) munaı qubyry baǵyty boıynsha qazaqstandyq munaı tranzıtiniń jalpy kólemi shamamen 27 myń tonnany quraıdy, al sáýir aıynan bastap birneshe ese ósedi dep kútilýde, dep habarlaıdy Almaty-akshamy.kz QazAqparatqa silteme jasap.
Aıta ketý kerek, onyń 20 myń tonnasy Teńiz kenishindegi munaıdyń eki partıasy bolsa, 7 myń tonnasy - Qashaǵannan alynǵan synaq partıasy.
«QazMunaıGazdyń» málimetinshe, sáýirde Teńizden Kaspıı teńizi men BTJ arqyly álemdik naryqqa 125 myń tonna munaı shyǵýy múmkin, dep jazdy Turan agenttigi.
Bul rette Qashaǵanmen munaı boıynsha kelissózder júrgizilýde.
SOCAR Midstream Operations (SOCAR-nyń enshiles kásiporny) túsindirmesine súıensek, qazaqstandyq munaıdy BTJ arqyly tasymaldaý SOCAR men «QazMunaıGaz» arasynda jasalǵan jáne jylyna 1,5 mıllıon munaı tranzıtin qarastyratyn kelisim negizinde júzege asyrylady.
2023 jyldyń sońyna deıin BTJ arqyly Qazaqstan munaıynyń Kaspıı teńizi arqyly tranzıti úshin Aqtaýdan Sanǵashal termınalyna deıin 12-14 tanker reısi josparlanǵan.
Qazirgi ýaqytta BTJ munaı qubyry arqyly Ázerbaıjan-CHırag-Gúneshlı ken oryndary blogynyń munaıy men Shah-Denız ken ornynyń kondensaty, sondaı-aq Túrkimenstan men Qazaqstannyń munaıy aıdalady.