Onlaın oqý, qashyqtan jumys isteý kezinde ınternet sapasynyń syn kótermeıtini baıqaldy.
Parlament Májilisiniń jalpy otyrysynda «QR Ákimshilik quqyq buzýshylyq týraly kodeksine baılanys máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaıdy Almaty-akshamy.kz
Atalǵan qujatty daıarlaýǵa Parlament depýtattary bastamashylyq jasady.
Zań jobasynyń negizgi maqsaty - baılanys salasyndaǵy zańnamany odan ári jetildirý.
«Pandemıa jáne halyqtyń qashyqtan jumys isteýi rejımine kóshýi kezinde usynylatyn baılanys qyzmetteri sapasynyń mańyzdylyǵy arta tústi. Ol halyqtan kelip túsetin shaǵymdardyń kóbeıýinen baıqalyp otyr. Sonymen qatar, júrgizilgen tekserýler boıynsha anyqtalǵan zań buzýshylyqtar osyǵan baılanysty problemanyń bar ekenin dáleldeıdi», - dedi QR Parlamenti Májilisiniń depýtaty Janna Telpekbaeva.
Ákimshilik quqyq buzýshylyq týraly kodekstiń 637-babyna sáıkes, iri kásipkerlik sýbektisi úshin aıyppul 100 AEK-ti, bir jyldyń ishinde qaıtalap jasalǵan quqyq buzýshylyq úshin 200 AEK-ti quraıdy. Bul rette iri kásipkerlik sýbektisi zań buzýshylyq faktisin moıyndaǵan kezde, Ákimshilik quqyq buzýshylyq týraly kodekske sáıkes, 50 paıyz, ıaǵnı 50 nemese 100 AEK kóleminde aıyppul tóleýge quqyly.
«Kóbinese operatorlarǵa qosymsha jabdyqty ornatýdan nemese óz jelisin ózge de túrde damýǵa qaraǵanda, aıyppuldyń jarty kólemin tólegen yńǵaılyraq. Osy oraıda baılanysqa qatysty barlyq qolaısyzdyqtar operator aldyndaǵy óz mindettemelerin turaqty negizde oryndaıtyn, ıaǵnı tarıfti tolyq kólemde tóleıtin abonentterge áser etedi. Zań jobasy zańnamada belgilengen tehnıkalyq parametrlerge sáıkes kelmeıtin baılanys pen ınternetke qol jetkizý qyzmetterin kórsetkeni úshin, iri kásipkerlik sýbektilerine ákimshilik aıyppuldardyń mólsherlerin ulǵaıtý arqyly baılanys operatorlarynyń jaýarkershiligin kúsheıtýge múmkindik beredi», - dedi depýtat.