Fýtboldan ulttyq quramanyń bas bapkeriniń mindetin atqarýshy bolyp Andreı Karpovıch taǵaıyndaldy, dep habarlaıdy Almaty-akshamy.kz
«Andreı Vladımırovıch qazaqstandyq jankúıerlerge jaqsy tanys. Ol ulttyq quramada eń kóp mach (55) ótkizgen oıynshylardyń bestigine kiredi. Birneshe ret kapıtan retinde alańǵa shyqqan bolatyn», - delingen QR Fýtbol federasıasynyń málimetinde.
Karpovıch óziniń klýbtyq mansabynda «Elim-aı», «Ertis», «Qaırat», «Lokomotıv», «Ordabasy», «Shahter», «Atyraý», «Altaı», sondaı-aq reseılik «Rostselmash» jáne máskeýlik «Dınamo» komandalarynda oınady.
Karpovıch bapkerlik mansabyn «Qaırat» júıesinde bastap, odan keıin 2 jyl «Oqjetpesti» jattyqtyrdy. 2021 jyldyń basynan beri «Qyzyl-Jardyń» bas bapkeri boldy.
Aıta keteıik, jańa bas bapkerdiń komandasy úshin alǵashqy synaq 24 naýryzda Moldova quramasyna qarsy bolady.