Almatyda 2900 bilim berý qyzmetkeriniń qatysýymen tamyz keńesi ótti
2023 jylǵy 25 tamyzda Respýblıka saraıynda 2023-2024 oqý jylynyń bastalýyna arnalǵan «Ádiletti Qazaqstan: sapaly bilim, adal urpaq, tabysty ult» taqyrybynda bilim berý qyzmetkerleriniń tamyz keńesi ótti.
Bıylǵy jyly forýmǵa respýblıkanyń túkpir-túkpirinen 2900 bilim berý qyzmetkeri jınaldy. İs-shara pedagog qyzmetkerlerdiń kásibı deńgeıin arttyrýǵa, bilim berý salasynda tájirıbe jáne jańa tehnologıalarmen almasýǵa baǵyttalǵan, dep habarlaıdy Almaty-akshamy.kz.
Forýmnyń plenarlyq otyrysynyń jumysyna Almaty qalasynyń ákimi Erbolat Dosaev, QR Bilim mınıstrligi balalardyń quqyqtaryn qorǵaý Komıtetiniń tóraıymy Nasymjan Ospanova, Qazaqstan profılaktıkalyq medısına akademıasynyń jáne Ulttyq salaýatty tamaqtaný ortalyǵynyń prezıdenti Almaz Sharman, «Sankt-Peterbýrg erte aralasý ınstıtýty» qosymsha kásiptik bilim berýdiń derbes komersıalyq emes uıymynyń dırektory Gan Chın Hýat, (Sıngapýr q.), Sing ing-Ed Global Schoolhouse Pre LTD atqarýshy vıse-prezıdenti jáne bilim berý salasyndaǵy basqa da qazaqstandyq jáne sheteldik sarapshylar qatysty.
Sondaı-aq, is-sharaǵa telekópir formatynda Qazaqstan Respýblıkasynyń Premer-mınıstri Álıhan Smaıylov, Qazaqstan Respýblıkasy Prezıdenti Ákimshiligi basshysynyń orynbasary Aıda Balaeva, Eńbek jáne halyqty áleýmettik qorǵaý mınıstri Tamara Dúısenova, Bilim Mınıstri Ǵanı Beısembaev qatysty.
«Jyl saıynǵy tamyz jınalysy qazirgi bilim berýdiń jańa baǵytyna serpin beredi. Bul eń jaqsy sheshimder jolynda jınaqtalǵan bilim jáne ozyq tájirıbemen almasýǵa arnalǵan alań. Búgin balanyń fızıkalyq jáne psıhologıalyq densaýlyǵyn qoldaýǵa, sapaly bilim berýmen, damý múmkindikterimen jáne basqa da jaǵdaılarmen qamtamasyz etýge baǵyttalǵan jobalar usynyldy. İs- shara jańa oqý jyly qarsańynda damý máseleleri men perspektıvalady anyqtaýǵa kómektesedi», - dedi Almaty qalasy bilim basqarmasynyń basshysy Lázzat Jylqybaeva.
Jıyn barysynda zamanaýı bilim berýdiń ózekti máseleleri talqylandy. Plenarlyq otyrysta bilim berý salasyndaǵy jetekshi mamandar, ǵalymdar men pedagogtar sóz sóıledi. Olar óz tájirıbelerimen jáne bilimderimen bólisti, kúndelikti jumysta kezdesetin jetistikter men qıyndyqtar týraly aıtty. Sheberlik synyptary men basqa da ekskýrsıalar uıymdastyryldy
Sondaı-aq seksıalarda elimizdegi balalardyń ómirin jaqsartý máseleleri men perspektıvalary, balalyq shaq kezindegi memlekettik kepildikter jáne olardy iske asyrý talqylandy. Bilim berý uıymdary qyzmetkerleriniń plenarlyq otyrysy bilim berýdiń jáne pedagogterdiń biliktiligin arttyrýdyń mańyzdy máselelerin talqylaý úshin ózekti alańǵa aınaldy.
Eske salsaq, Qazaqstan Respýblıkasy Premer-Mınıstriniń 2022 jylǵy 1 aqpandaǵy № 21 ókimimen bekitilgen Balalardyń ál – aýqatynyń ındeksi-bul elimizdegi balalardyń ómir súrý sapasyn baǵalaýdyń jańa quraly. Indeks balalardyń ómir súrý deńgeıin, densaýlyǵyn, bilimin, damý múmkindikterin, qaýipsizdigin jáne basqa jaǵdaılardy baǵalaýǵa múmkindik beredi. Sarapshylardyń baıandamalarynda osy Indeksti paıdalanýdyń alǵashqy nátıjeleri usynylady, ómirdiń túrli kezeńderinde balalardyń ál-aýqatynyń anyqtalǵan máseleleri kórsetiledi, olardy jaqsartý úshin sheshimder usynylady.
Keńes sońynda balalardyń ál-aýqatynyń ındeksine, bilim berý mekemelerinde tamaqtanýdy uıymdastyrýǵa baılanysty máseleler men qorytyndylar shyǵaryldy. Atap aıtqanda, olardy sheshýdiń jańa sharalaryn ázirleý jáne qabyldaý úshin naqtyly usynystar berildi.