Almaty oblysy mańyndaǵy ormannan qarý-jaraqtar tabyldy, dep habarlaıdy Almaty-akshamy.kz Polisia.kz-ke silteme jasap.
Almaty oblysy PD KPB qyzmetkerleri “Quqyqtyq tártip” jedel aldyn alý is-sharasy sheńberinde Talǵar aýdanynyń aýmaǵyndaǵy ormannan ME-8 Police gaz tapanshasy men bir OSA travmatıkalyq tapanshasyn taýyp,tárkiledi.
Sonymen qatar 5,6 mm kalıbrli TOZ ıir oıyqty myltyq, 3 LSG granatasy, 3 birlik jaryq-dybystyq granatalar jáne 7,62 mm kalıbrli 15 patron, oq-dáriler tabyldy.
Atalǵan derek polısıada QR QK-niń 287-baby 3-bóligi ( Atys qarýyn tegis uńǵyly ańshylyq qarýynan basqa), oq-dárilerdi, jarylǵysh zattardy nemese jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý) boıynsha tirkeldi. Qazirgi ýaqytta barlyq qajetti saraptamalyq zertteýler taǵaıyndalyp, tergeý áreketteri júrgizilip jatyr, – dedi Almaty oblysy PD bastyǵy Baýyrjan Álenov.