Elena Blınovskaıa degen reseılik bloger «Marafondar hanshaıymy» degen atpen tanymal.
Oǵan salyq tóleýden jaltardy degen aıyp taǵyldy, dep habarlaıdy Almaty-akshamy.kz Ulysmedia.kz-ke silteme jasap.
Blogerdiń ustalǵanyn Reseı Federasıasynyń Tergeý komıteti rastady. Vedomsvto dereginshe, Elena Blınovskaıa asa iri mólsherde salyq tóleýden jaltardy, asa iri mólsherdegi qarjyny nemese basqa múlikti zańdastyrdy (jylystatty) degen kúdikke ilingen.
«Elena Blınovskaıany quqyq qorǵaý organdarynyń qyzmetkerleri Reseı Federasıasynyń shekarasynan jalǵa alǵan kóligimen ótpek bolǵan kezde ustady, sonymen birge onyń basqa memleketke ushý úshin áýe bıletteri boldy», - dep habarlady komıtet.
Komıtet málimetinshe, bloger eki jyl ishinde el búdjetine 918 mıllıon rúbl tóleýi tıis bolǵan. Alaıda ol bıznesin "bólshekteý" arqyly salyqtan jaltaryp ketken.
Qazir quqyq qorǵaý organdary tintý jáne jaýap alý jumystaryn júrgizýde. Áleýmettik jeli jazbalaryna súıensek, blogerge qatysty qylmystyq is týraly bir kún buryn belgili bolǵan. Sol kezde Blınovskaıa Almatyǵa bılet satyp alǵan.
Alaıda oǵan ustalatyny týraly eskertý jasalǵandyqtan, baǵytyn ózgertken. Degenmen, bloger Belarýs shekarasyna jaqyn jerde ustaldy.