30 jastaǵy motosıkl júrgizýshisi esirtkige masaıǵan kúıinde ustalǵan.
Tártip buzýshy 15 táýlikke ákimshilik qamaýǵa alyndy jáne 7 jyl merzimge kólik quralyn basqarý quqyǵynan aıyryldy, dep habarlaıdy Almaty-akshamy.kz Polisia.kz-ke silteme jasap.
«A.esimdi azamat Rysqulov dańǵylymen shyǵys baǵytta kele jatqan. Qulja tas jolynyń qıylysynda ony patrúldik polısıanyń mamandandyrylǵan batalónynyń ekıpajy toqtatty. Qujattardy teksergennen keıin júrgizýshiniń kólikti tehnıkalyq baıqaýdan ótkizbegeni belgili boldy. Sonymen qatar ol alkogól nemese esirtki paıdalandy degen kúdikke ilikti. Sot-narkologıalyq saraptamasynyń qorytyndysyna sáıkes, A.esimdi azamat esirtkige mas kúıde bolǵan. QR ÁQBtK-niń 608-baby 1-bóligi jáne QR ÁQBtK-niń 590-baby 10-bóligi negizinde ákimshilik is qozǵaldy. Onyń materıaldary sotqa jiberiledi», – dedi Almaty qalalyq PD jergilikti polısıa qyzmeti basqarmasynyń bastyǵy Erjan Uzabaev.