Mısıanyń quramynda 11 halyqaralyq sarapshy, 32 baıqaýshy bar.
Mısıa saılaýdyń EQYU mindettemelerine jáne demokratıalyq saılaý ótkizý jónindegi basqa da halyqaralyq mindettemeler men standarttarǵa, ulttyq zańnamaǵa sáıkestigin baǵalaıdy, dep habarlaıdy Almaty-akshamy.kz
EQYU Demokratıalyq ınstıtýttar jáne adam quqyqtary jónindegi búrosynyń Qazaqstandaǵy parlamenttik saılaýdy baqylaý jónindegi mısıasy jumysyn bastady.
Mısıa elordadaǵy 11 halyqaralyq sarapshydan, 17 aqpannan bastap respýblıka boıynsha ornalastyrylatyn 32 uzaq merzimdi baıqaýshylar tobynan turady.
Budan bólek Demokratıalyq ınstıtýttar jáne adam quqyqtary jónindegi búrosy saılaý kúni jaqyndaǵanda 300 qysqa merzimdi baıqaýshy suraýdy josparlap otyr.
"EQYU-nyń 57 qatysýshy memleketi bar. Olardyń barlyǵy, sonyń ishinde Qazaqstan da, demokratıalyq ózgeristerge, adam quqyqtary men negizgi bostandyqtarǵa qatysty birqatar mindettemelerdi qabyldady", - dedi saılaýdy baqylaý mısıasynyń basshysy Oýen Merfı.
Mısıanyń jumysy normatıvtik-quqyqtyq bazany qoldaý, saılaý komısıalarynyń qyzmetkerlerin oqytý jáne t.b. salalardy qamtıdy.
Baqylaýshylar úgit-nasıhat júrgizý, saılaý zańnamasynyń oryndalýy, sondaı-aq saılaýǵa qatysty burynǵy usynymdardyń oryndalýyn qadaǵalaıdy.
Oýen Merfıdiń sózinshe, mısıa saılaý kúni saılaý ýchaskeleriniń ashylýy, daýys berý, búletenderdi sanaý, nátıjelerdi shyǵarýdy baqylaıtyn bolady.
Ol EQYU mısıasy jumysynyń maqsaty saılaý naýqanyn qadaǵalaý, qandaı da bir zańnamalyq ózgeristerdiń áserin baqylaý ekenin jetkizdi.
"Bizdiń mısıany Qazaqstan bıligi shaqyrǵanyn, óz kezeginde biz táýelsiz baqylaý júrgizetinimizdi atap ótkim keledi. Negizgi baıqaýshylar tájirıbeli sarapshylar bolyp esepteledi. Olar saılaý, referendým máseleleri boıynsha bilikti mamandar", - dedi saılaýdy baqylaý mısıasynyń basshysy Oýen Merfı.