Vaksınalaý - qaýipti indettiń aldyn alýdyń jalǵyz joly
Qazaqstan Respýblıkasynyń Densaýlyq saqtaý mınıstrliginiń derekterine sáıkes, elde naýqastaný kórsetkishiniń tómendegeni baıqalady. Sońǵy 2 aptada aýrý juqtyrý kórsetkishi 36 paıyzǵa tómendedi, dep habarlaıdy Almaty-akshamy.kz.
1 tamyzdan bastap elimizde ınfeksıalyq tósek-oryndar júktemesi 56-dan 33 paıyzǵa, reanımasıalyq tósek-oryn júktemesi 45-ten 32 paıyzǵa tómendedi.
Respýblıkada 57 kovıdtik stasıonar jabyldy.
QR Densaýlyq saqtaý mınıstriniń aıtýynsha, vaksınalaý áli de koronavırýs ınfeksıasynyń aldyn alý is-sharalarynyń jalǵyz joly bolyp otyr.
«Halyqty vaksınalaý jalǵasyp jatyr. Búginde 1-komponentpen 7,5 mln-nan astam adam ekpe alyp, halyqtyń vaksınalanýy tıis sanynyń 75,8 paıyzyn qurady. 2-komponentpen 6,4 mln-nan astam adam qamtyldy.Bul ekpe alýy qajet halyqtyń 64,7 paıyzyna teń. Vaksınany jetkizý kestege sáıkes júrgizilip jatyr», - deıdi QR Densaýlyq saqtaý mınıstri Alekseı Soı.