Qazaqstanda múgedek balalarǵa shıpajaıǵa tegin joldama berilmek
Úkimet múgedektigi bar adamdardyń ómir súrý sapasyn jaqsartýǵa baǵyttalǵan taǵy bir zań jobasyn qarastyryp jatyr. Bul týraly QR Eńbek jáne halyqty áleýmettik qorǵaý vıse-mınıstri Erlan Áýkenov aıtty, dep habarlaıdy almaty-akshamy.kz
«Qazir Úkimet qaraýynda múgedektigi bar adamdardyń ómir sapasyn jaqsartýǵa baǵyttalǵan zań jobasy jatyr. Ony Parlament Senaty QR Úkimeti janyndaǵy úılestirý keńesimen jáne múgedektigi bar adamdardyń ómir sapasyn jaqsartý jónindegi jumys tobymen birlese otyryp ázirledi. Onda 342 pozısıa boıynsha 38 tujyrymdamalyq túzetýmen 82 zańnamalyq aktige usynystar ázirlendi», - dedi vıse-mınıstr Ortalyq komýnıkasıalar qyzmetindegi baspasóz máslıhatynda.
Onyń atap ótýinshe, zań jobasynda kemsitýshilik termınderdi alyp tastaý kózdelgen. Atap aıtqanda, «múgedek» termıni «múgedektigi bar tulǵa» termınimen almastyrylady. Sonymen qatar múgedektigi bar bala tárbıelep otyrǵan otbasyǵa «múgedektigi bar bala tárbıelep otyrǵan otbasy» mártebesi beriledi.
«Búginde mundaı mártebe joq. Múgedektigi bar balanyń ata-anasynyń birine nemese qamqorshysyna shıpajaılyq-kýrorttyq emdelýge tegin joldama usynylatyn bolady. Búginde mundaı is-sharada zańnamalyq turǵyda bekitilgen. Sonymen qatar syrttaı kýálandyrýdy engizýdi bekitý, múgedektigi bar tulǵany jumysqa ornalastyrý kvotasyn oryndamaǵan jumys berýshiniń mindetti ótemaqy tóleý tetikterin engizý kózdelýde. Bul zańnamada shynymen de óte kóp qosymsha bar jáne taıaý ýaqytta úlken qoǵamdyq tyńdaýda, Parlamentte atalǵan zańdy tanystyratyn bolamyz», - dedi Erlan Áýkenov.