Ýnıversıtet aýmaǵynda oq jaýdyrǵan stýdent ekeni anyqtaldy
Reseıdiń Perm memlekettik ulttyq zertteý ýnıversıtetinde atys saldarynan qaza bolǵandar sany 8 adamǵa jetti, dep habarlaıdy Almaty-akshamy.kz QazAqparat saıtyna silteme jasap.
«Atys saldarynan segiz adam qaza taýyp, taǵy birnesheýi zardap shekken», - dep naqtylady agenttik súıengen derekkóz.
Vedomstvo málimetinshe, ýnıversıtet aýmaǵynda oq jaýdyrǵan – stýdent. Onyń esimi anyqtaldy.
Ustaý kezinde ol qarsylyq tanytyp, jaraqattanǵan. Atys faktisi boıynsha eki jáne odan kóp adamdy óltirý babymen qylmystyq is qozǵaldy. Ony Tergeý komıtetiniń ortalyq apparaty tergeıtin bolady.
Aımaq prokýratýrasynyń habarlaýynsha, oqıǵa ornyna Perm ólkesiniń prokýrory attandy. Ol atys bolǵan jerde tekserý júrgizip jatqan quqyq qorǵaý jáne basqa vedomstvolardyń jumysyn úılestirip, qadaǵalaıdy.