El boıynsha 10 myńnan astam saılaý ýchaskesi ashylǵan.
Elimizdegi sheteldik dıplomatıalyq mısıa ókilderi konstıtýsıalyq reformalar týraly keńinen maǵlumat aldy. Syrtqy ister mınıstrliginde ótken basqosýda referendým komısıasy ókilderi elimiz úshin mańyzdy sharanyń negizgi kezeńderinen bastap, referendýmǵa qatysýǵa quqyǵy bar azamattar tizimimen tanystyrdy, dep habarlaıdy Almaty-akshamhy.kz Qazaqstan.tv saıtyna silteme jasap.
Qazirgi tańda el boıynsha 10 myńnan astam saılaý ýchaskesi ashylǵan. Referendýmdy baqylaýǵa tórt halyqaralyq uıym men 13 memleketten 105 baıqaýshy tirkelgen. Olar - Eýropadaǵy qaýipsizdik jáne yntkeymaqtastyq uıymy, Túrik elderi samıti, TMD elderi jáne taǵy basqa beldi uıymdar tarapynan kelgen ókilder. Elshiler referendým halyqtyń bolashaǵyna oń ózgerister ákelerine senimdi.
"Referendým ótkizýdiń ózi - memleketińiz úshin úlken bir jetistik. Alǵashqysy 1995 jyly ótken. Eń mańyzdysy, qazir sózden iske kóshý. Qazaqstanǵa ózgerister keletin kún alys emes dep oılaımyn", - dedi Qazaqstandaǵy Ispanıa elshisi Horhe Ýrbıola.