Medısınalyq qarsy kórsetkishi joq 3 pen 11 jas aralyǵyndaǵy barlyq balaǵa jyl sońyna deıin vaksına salynady
Qytaıda 3 pen 11 jas aralyǵyndaǵy 84,4 mln balaǵa koronavırýsqa qarsy vaksına salyndy, dep habarlaıdy Almaty-akshamy.kz Sınhýa agenttigine silteme jasap.
QHR-nyń Dens aýlyq saqtaý isi jónindegi memlekettik komıtettiń tóraǵasy balalar arasynda vaksına salý isin belsendire túsetinderin málimdedi. 3 pen 11 jas aralyǵyndaǵy medısınalyq qarsy kórsetkishi joq balalardyń barlyǵy jyl sońyna deıin vaksınany alyp bitýi kerek.
Ýnıversıtet, orta jáne bastaýysh mektepterde vaksına salý ekpini Biryńǵaı ulttyq josparǵa saı kúsheıtilgen. Oǵan qosa 18 jastan asqan bilim alýshylardyń 95%-y vaksına alyp bolǵan.
12 qarasha kúngi jaǵdaı boıynsha búkil Qytaıda vaksınanyń 2,37 mlrd dozasyn júzege asyrýǵa jiberilgen. Alaıda, osy ýaqytqa deıin 1,074 mlrd adam vaksına alyp úlgergen.
Aıta ketsek, qarashanyń basynda AQSH 5 pen 11 jas aralyǵyndaǵy balalarǵa vaksına salýdy bekitken. Boljam boıynsha balalarǵa vaksına salý vırýstyń tasymaldanýyn tómendetedi.
Sondaı-aq, Kosta-Rıka álem boıynsha birinshi bolyp 5 jastan asqan balalarǵa vaksına salýdy mindettedi.