Qabyldanǵan sharalardyń nátıjesinde birqatar azyqtyń baǵasy tómendedi
Asqar Mamın Úkimettiń Sıfrlyq keńsesinde ortalyq memlekettik organdar basshylarynyń jáne óńirler ákimderiniń qatysýymen áleýmettik mańyzy bar azyq-túlik taýarlarynyń (ÁMAT) baǵalaryn retteý máseleleri boıynsha keńes ótkizdi, dep habarlaıdy Almaty-akshamy.kz.
Ótken aptada Qazaqstanda áleýmettik mańyzy bar azyq-túlik taýarlary baǵasynyń jalpy ósý ındeksi 0,0% qurady, dep habarlaıdy premer-mınıstrdiń baspasóz qyzmeti.
Qabyldanǵan sharalar esebinen ekinshi apta qatarynan kartop (-0,4%), pıaz (-1,3%) jáne sábiz (-2%) baǵasynyń tómendeýi baıqalady. Bir apta ishinde qyryqqabat baǵasynyń ósý qarqyny 0,1%-ǵa deıin tómendedi.
Ótken aptada Básekelestikti qorǵaý jáne damytý agenttigi baǵa belgileý boıynsha básekelestikke qarsy sóz baılasqan is-áreketter belgileri boıynsha Aqmola, Pavlodar, Soltústik Qazaqstan jáne Qaraǵandy oblystarynda taýyq jumyrtqasyn ótkizýdi júzege asyratyn 7 qus fabrıkasyna qatysty tergeýdi bastady.
Taýyq jumyrtqasy, qus eti jáne qant naryǵy sýbektilerine baǵalyq sóz baılasý belgileriniń bolýyna jáne túrli baǵalardy qoldanýyna qatysty 12 habarlama jiberildi.
Premer-mınıstr ortalyq memlekettik jáne jergilikti atqarýshy organdarǵa áleýmettik mańyzy bar azyq-túlik ónimderiniń baǵasyn turaqtandyrý jáne tómendetý, sondaı-aq ınflásıanyń jalpy deńgeıin 8,5% sheginde ustap turý boıynsha jumysty jalǵastyrýdy tapsyrdy.