Sychýan provınsıasynda 6,8 baldyq jer silkinisi boldy.
Sı Szınpın apattan zardap shekkenderdi qutqarý úshin barlyq kúsh-jigerdi jumyldyrýǵa shaqyrdy, dep habarlaıdy Almaty-akshamy.kz Egemen.kz silteme jasap.
Qytaıdyń batysyndaǵy Sychýan provınsıasynda 6,8 baldyq jer silkinisi boldy. Qytaıdyń seısmologıalyq jeliler ortalyǵynyń habarlaýynsha, dúmpýler Gardzeniń batysynda-Tıbet avtonomıalyq okrýginde tirkelgen. Jer silkinisiniń oshaǵy 16 shaqyrym tereńdikte ornalasqan.
Jergilikti BAQ-tyń habarlaýynsha, oqıǵa ornyna Lýdınnen jáne jaqyn mańdaǵy 530 eldi mekennen qutqarýshylar jiberilgen.
Silkinis saldarynan kóz jumǵandar týraly habarlamalar áli de kelip túsýde. Ganzada 29 adam, Iaanda 17 adam qaıtys boldy. Taǵy 16 azamat habar-osharsyz ketken.
QHR tóraǵasy Sı Szınpın apattan zardap shekkenderdi qutqarý úshin barlyq kúsh-jigerdi jumyldyrýǵa shaqyrdy. Ómirdi saqtaý jáne adam qurbandaryn azaıtý basty mindet ekenin basa aıtqan Sı Szınpın dúmpýlerge daıyn bolý jáne barynsha saq bolý qajettiligin atap ótti.
Apat aımaǵyna Lýdınnen 30 qutqarýshy jáne jaqyn mańdaǵy eldi mekenderden 530 qutqarýshy jumyldyryldy.
Ganzı-Tıbet avtonomıalyq aýdany qutqarý jumystaryn júrgizý úshin aımaqqa 635 polısıa, órt sóndirý, densaýlyq saqtaý, baılanys, elektrmen jabdyqtaý jáne kólik qyzmetkerlerin jiberdi.
Epısentrden 20 shaqyrym radıýsta 39 myń adam, 50 shaqyrymda - 330 myń adam, 100 shaqyrymda - 1,55 mıllıon adam turatyny anyqtaldy.
Aıta ketsek, Sychýan provınsıasy Qytaıdyń eń seısmıkalyq qaýipti aımaqtarynyń biri retinde belgili. 2008 jyldyń mamyrynda bul aımaqta 8 baldyq jer silkinisi boldy. Nátıjesinde 87 150 adam qaıtys bolyp, 374 myń adam jaraqat aldy, birneshe mıllıon adam baspanasyz qaldy.