Qytaı shuǵyl áreket etý sharalaryn qabyldady.
Qytaıda adamnyń býbon obasyn juqtyrý deregi tirkeldi, dep habarlaıdy Almaty-akshamy.kz.
Qytaıdyń soltústik-batysynda, Nınsá-Hýeı aımaǵynda bir adamnyń býbondy oba juqtyrǵany anyqtaldy. Bul týraly Qytaı memlekettik telearnasyna silteme jasap Reuters aqparat agenttigi habarlady. Qytaı aqparat quraldarynyń habarlaýynsha, oba naýqasy Nınsá qalasyna basqa aımaqtan kelgen, naqty qaı jerde ekeni aıtylmaǵan.
Oba óte juqpaly aýrý jáne ólim-jitim deńgeıi joǵary bolǵandyqtan, Qytaı shuǵyl áreket etý sharalaryn qabyldady. Degenmen, oqıǵaǵa ulttyq tótenshe jaǵdaılarǵa den qoıý júıesindegi bıologıalyq qaýiptiń eń tómengi deńgeıi bolyp sanalatyn 4-shi deńgeıli eskertý ǵana taǵaıyndaldy.
Býbon obasy – juqpaly aýrý. Ólim kórsetkishi joǵary. Ony kemirgishterdiń ústinde bolatyn búrgeler taratady. Aýrý belgilerine dene qyzýynyń kóterilýi, bórtpe, lımfa bezderininiń isinýi jatady.