Múgedektik boıynsha memlekettik áleýmettik járdemaqy alýshylardyń sany 539,6 myń adamdy quraıdy.
Jyl basynan beri Qazaqstan Úkimeti kómekke muqtaj azamattarǵa 217 mlrd teńgeden astam qarajat tóledi, dep habarlaıdy Almaty-akshamy.kz.
«1 shildedegi jaǵdaı boıynsha, qazaqstandyqtarǵa múgedektik jáne asyraýshysynan aıyrylý boıynsha járdemaqy túrinde 217 mlrd teńgeden astam qarajat tólendi. Onyń ishinde 2022 jyldyń maýsym aıynda respýblıkalyq búdjetten múgedektigi boıynsha memlekettik áleýmettik járdemaqy tóleýge 30,7 mlrd teńge, asyraýshysynan aıyrylý jaǵdaıyna 10,5 mlrd teńge bólindi»,- delingen Eńbekmıni baspasóz qyzmetiniń habarlamasynda.
2022 jylǵy 1 shildedegi jaǵdaı boıynsha, múgedektik boıynsha memlekettik áleýmettik járdemaqy alýshylardyń sany 539,6 myń, asyraýshysynan aıyrylý jaǵdaıy boıynsha 189,9 myń adamǵa jetti.
Múgedektik jáne asyraýshysynan aıyrylý jaǵdaıy boıynsha memlekettik áleýmettik járdemaqylardyń mólsheri múgedektik tobyna jáne sebebine, qaıtys bolǵan (qaza tapqan) asyraýshynyń asyraýyndaǵy adam sanyna, sondaı-aq tıisti qarjy jylyna arnalǵan «Respýblıkalyq búdjet týraly» zańda belgilenetin eń tómengi kúnkóris deńgeıine baılanysty bolady.
2022 jylǵy 1 shildedegi jaǵdaı boıynsha, múgedektigine baılanysty tólenetin memlekettik áleýmettik járdemaqynyń ortasha mólsheri – 56 974 teńge, asyraýshydan aıyrylý jaǵdaıy boıynsha tólenetin járdemaqy – 55 137 teńge.