Buıryq 2022 jyldyń 5 naýryzynan bastap qoldanysqa engiziledi.
Densaýlyq saqtaý mınıstriniń 2022 jylǵy 17 aqpandaǵy buıryǵymen qoǵamdyq tamaqtaný obektilerine qoıylatyn sanıtarlyq-epıdemıologıalyq talaptar bekitildi, dep habarlaıdy Almaty-akshamy.kz
Sanıtarlyq erejeler kelesi talaptardy qamtıdy:
- Jańa obektilerdi salý, rekonstrýksıalaý, qaıta jabdyqtaý, qaıta josparlaý jáne qoldanystaǵy obektilerdi keńeıtý, qoǵamdyq tamaqtandyrý obektilerin jóndeý, paıdalanýǵa berý jáne qaıta beıindeý úshin jer ýchaskesin tańdaý;
- Sýmen jabdyqtaý, sý burý, jylýmen jabdyqtaý, jaryqtandyrý, jeldetý jáne aýa baptaý;
- Qoǵamdyq tamaqtandyrý obektileriniń úı-jaılaryn, ǵımarattaryn, qurylystary men jabdyqtaryn kútip-ustaý jáne paıdalaný (onyń ishinde uıymdasqan ujymdarǵa qyzmet kórsetetin jáne daıyndaıtyn qoǵamdyq tamaqtandyrý obektileri);
- Tamaq ónimderin óndirý, ólshep-oraý, tasymaldaý, saqtaý, ótkizý jáne kádege jaratý sharttaryna (onyń ishinde qoǵamdyq tamaqtanýdy uıymdastyrý boıynsha keıterıngtik qyzmet kórsetýdi júrgizý kezinde qoǵamdyq tamaqtandyrý obektilerinde, uıymdasqan ujymdar úshin qyzmet kórsetetin, daıyndaıtyn qoǵamdyq tamaqtandyrý obektilerinde jáne jyldam qyzmet kórsetetin stasıonarlyq emes qoǵamdyq tamaqtandyrý obektilerinde) sáıkes kelýge tıis;
- Tutyný qaldyqtaryn jınaý jáne saqtaý;
- Óndiristik baqylaýdy júzege asyrý;
- Personaldyń eńbek jaǵdaılaryna, turmystyq qyzmet kórsetýge, medısınalyq qamtamasyz etýge jáne gıgıenalyq oqytýǵa;
- Shekteý is-sharalaryn, onyń ishinde karantındi engizý kezeńinde sanıtarlyq-epıdemıaǵa qarsy is-sharalardy uıymdastyrý jáne júrgizý.