Almatyda qarý-jaraq dúkenderin tonaýǵa qatysýshylardy ustaý boıynsha eki arnaıy is-shara júrgizildi
Úsh kúdikti qamaýǵa alyndy. Urlanǵan qarýdyń bir bóligi “Dostyq” shaǵynaýdanyndaǵy úılerdiń birinde, al ekinshisi Almaty oblysy, Qarasaı aýdany aýmaǵyndaǵy Jambyl eldi mekenindegi úılerdiń birinen tabyldy jáne tárkilendi, dep habarlaıdy Almaty-akshamy.kz Polisia.kz-ke sitleme jasap.
«Eki kúdiktiniń biri 25 jasta, ekinshisi 27-de. 5 qańtarǵa qaraǵan túni olar “Kamerad” ańshylyq dúkenin tonap ketken. Qaskóıler urlanǵan zattardy úıdiń jertólesine tyǵyp, ústin qummen bastyryp ketken. Ártúrli markadaǵy tórt tegis uńǵyly myltyq, avtomat, 720 patron, bes ańshylyq pyshaq, arbalet, optıkalyq kózdeýish jáne oq-dári tárkilendi jáne qylmystyq is materıaldaryna tirkeldi. Kúdiktiler kinásin moıyndap, dúkenge qalaı kirgenderin aıtyp berdi», – dedi Almaty qalalyq polısıa departamenti bastyǵynyń orynbasary Berik Ábilbekov.
Tergeýshiler “úshtiktiń” osyǵan uqsas qylmystarǵa qatysy bar-joǵyn anyqtaýda. Qylmystyq is QR QK-niń 291-baby 3-bóligi (Qarýdy, oq-dárilerdi, jarylǵysh zattardy urlaý) boıynsha tergelip jatyr. Bul baptyń sanksıasynda 5 jyldan 12 jylǵa deıingi merzimge bas bostandyǵynan aıyrý kózdelgen.