Ǵylymı-zertteý mekemeleriniń ǵalymdary ýnıversıtetterde dáris oqıdy
Bul týraly QR Bilim jáne ǵylym mınıstri Asqat Aımaǵambetov málimdedi. Sondaı-aq olar stýdentterdiń jumystaryna resenzıa jazyp, ǵylymı jobalaryna jetekshilik etedi, dep habarlaıdy Almaty-akshamy.kz
Bastapqy kezeńde kadrlar daıarlaýdyń 500 bilim berý baǵdarlamasy ázirlenedi. Budan bólek magıstranttar men doktoranttarǵa, al oqý oryndarynyń zerthanalary ınstıtýt qyzmetkerlerine qoljetimdi bolady.
«Ázirge sońǵy ǵylymı jetistiktermen bólisý maqsatynda ǵylymı-zertteý ınstıtýttarynyń 300-den astam ǵalymy JOO-da dáris oqıdy. Osy ýaqytqa deıin olar oqytýǵa belsendi aralasqan joq. Dese de, qazir qajettilik bar», – dep atap ótti tıisti vedomstvo basshysy.
Sondaı-aq 100-den astam birlesken dısertasıalyq keńes jumys isteıdi. «E-lab» aqparattyq júıe qurylady. Ol zertteýshilerge elimizdiń qaı ýnıversıtetinde qajetti zerthana bar ekeni týraly aqparat alýǵa jáne olardyń tehnıkalyq múmkindikterin paıdalanýǵa kómektesedi.