Endi Qazaqstanǵa alǵash ret ákelinetin barlyq mobıldi qurylǵylar GSMA halyqaralyq derekter bazasynda tekserýden ótýi tıis, dep habarlaıdy aqshamnews.kz.
Bul týraly Sıfrlyq damý, ınovasıalar jáne aeroǵarysh ónerkásibi mınıstrliginiń baspasóz qyzmeti habarlady. Sondaı-aq, memlekettik salyq jáne keden júıeleriniń de súzgisinen ótkiziledi. Iaǵnı, telefondarda arnaıy sıpattamalar, zańdy jáne ilespe qujattarynyń bolýy mańyzdy. IMEI kodtary da zertteledi. Bylaısha aıtqanda, urlanǵan, joǵalǵan nemese buǵattalǵan gadjet jumys istemeıdi.
Tekserý rásimi ımporttaýshylar, jeke tulǵalar jáne ýákiletti servıstik ortalyqtar úshin mindetti bolyp tabylady. Ereje 25 naýryzda kúshine endi. Buryn eldiń mobıldi jelilerinde tirkelgen barlyq telefondar avtomatty túrde «aq tizimge» engizildi. Endi ol shekteýsiz jumysyn jalǵastyra beredi. Al tirkelmegen gadjet ıeleri 25 mamyrǵa deıin tekserýden ótpese, birden buǵattalady.