Almatyda polıseıler alaıaqtyq qylmystar jasady degen kúdikpen úsh áıeldi ustady.
Búgingi tańda azamattarǵa keltirilgen jalpy shyǵyn 346 mıllıon teńgeden astam sommany quraıdy, dep habarlaıdy aqshamnews.kz Polisia.kz-ke silteme jasap.
Aldyn ala málimet boıynsha qylmyskerler halyqtyń áleýmettik qorǵalmaǵan toptaryn memlekettik turǵyn úı baǵdarlamasyna qatysýdy usynyp, aldap ketken. Olardyń áreketteriniń saldarynan kóptegen azamattar aıtarlyqtaı materıaldyq shyǵynǵa ushyrady.
- Atalǵan derekke qatysty QR QK-niń 190-babynyń 4-bóligi - asa iri kólemde jasalǵan alaıaqtyq boıynsha sotqa deıingi tergeý amaldary júrgizilýde. Qazirgi ýaqytta kúdiktiler qamaýǵa alyndy, tergeý amaldary júrgizilýde. Polısıa zardap shekkenderdiń barlyǵyn jáne qylmystyq árekettiń qosymsha epızodtaryn anyqtaý boıynsha sharalar qabyldaýda, - dedi Almaty qalalyq PD tergeý basqarmasynyń bastyǵy Aıbat Mýrzamadıev.
Atalǵan kúdiktilerdiń qylmystyq áreketterinen zardap shekken azamattardy myna telefon nómirlerine habarlasýyn suraımyz: 8-708-804-17-55; 8-747-181-05-74 jáne 8-777-216-17-37.