Jańa oqý jylynan bastalady.
Bilim jáne ǵylym mınıstri Asqat Aımaǵambetov bıyl jańa oqý jylynan bastap pılottyq rejımde 2,5 jyldyq bakalavrıat engizelitinin aıtty, dep habarlady Almaty-akshamy.kz Turkystan.kz silteme jasap.
Mınıstrdyń aıtýynsha, kóptegen jumys berýshi kadrlardyń óte uzaq – 4 jyl boıy daıarlanatynyna shaǵymdanady. Sol sebepti mınıstrlik pılottyq rejımde «qoldanbaly bakalavrlardy» daıyndaı bastaıdy. Biraq 4 jyldyq bakalavrıat sol kúıi qalady.
«Biz muny bıyl jańa oqý jylynan bastaýdy josparlap otyrmyz. Birqatar joǵary oqý ornynda pılottyq joba bolady. Ázirge elorda men Almaty qalalarynyń joǵary oqý oryndaryna engizemiz», – dedi Asqat Aımaǵambetov Úkimet úıinde ótken baspasóz máslıhatynda.
Bul rette mınıstr «qoldanbaly bakalavrıattyń» eńbek naryǵyna ne beretinin túsindirdi.
«Qysqa ýaqyt ishinde, ıaǵnı 2-2,5 jyl ishinde praktıkaǵa baǵdarlanǵan maman eńbek naryǵyna shyǵady. Eger ol 2 nemese 5 jyldan keıin bilimin shyńdap, ári qaraı oqyǵysy kelse, ýnıversıtetke baryp, tolyq bakalavr dárejesin alýǵa múmkindigi bar. Ýnıversıtetke túsip, ári qaraı oqýyn jalǵastyra alady», – dedi ol.