Memleket 50% mólsherinde saqtandyrý syılyqaqylaryn sýbsıdıalaıdy.
Dándi daqyldardy topyraqtaǵy ylǵaldyń jetispeýshiliginen saqtandyrý boıynsha ótinimderdi qabyldaý merzimi 16 sáýirden 24 sáýirge deıin uzartyldy, dep habarlaıdy Almaty-akshamy.kz Eldala.kz silteme jasap.
ANK agroónerkásiptik keshendegi saqtandyrý operatory bolyp tabylady. Saqtandyrý sharttaryn www.qoldau.kz saıtyndaǵy Agroinsurance aqparattyq júıesinde jasaýǵa bolady www.qoldau.kz.
Aýyl sharýashylyǵy taýar óndirýshileri úshin saqtandyrý polısiniń qunyn arzandatý, ósimdik sharýashylyǵyndaǵy táýekelderdi azaıtý úshin memleket 50% mólsherinde saqtandyrý syılyqaqylaryn sýbsıdıalaıdy.
Esterińizge sala keteıik, agrarshylar bıdaı, arpa, suly, júgeri, kúnbaǵys, raps jáne zyǵyr egisterin saqtandyra alady. Saqtandyrý Aqmola, Aqtóbe, Shyǵys Qazaqstan, Batys Qazaqstan, Qaraǵandy, Qostanaı, Pavlodar, Soltústik Qazaqstan oblystary úshin qoljetimdi.
Qurǵaqshylyq boıynsha saqtandyrý kezeńi kezeńderge bólingen. 15 mamyrdan 14 tamyzǵa deıin (úsh fazaly ónim) saqtandyrý polısiniń quny saqtandyrý somasynyń 4,8% quraıdy. 15 maýsymnan 14 tamyzǵa deıin (eki fazaly ónim) tarıf saqtandyrý somasynyń 3,2% - na teń bolady.
ANK derekteri boıynsha, egistikti qurǵaqshylyqtan eki jyl ishinde saqtandyrǵan fermerlerge 1 mlrd 327,3 mln teńge tólendi. Bul rette agrarshylar engizgen saqtandyrý syılyqaqysynyń somasy 241,5 mln teńgeni qurady, osy kezeńdegi osynsha somany memlekettik sýbsıdıalar qurady.