Búgingi tańda 445 sharýaǵa eskertý berilgen.
Qazaqstannyń keı óńirlerindegi sharýalar jerdi aýyl sharýashylyǵy maqsatyna paıdalanbaǵandyqtan, jerdi memleketke qaıtaryp jatyr, dep habarlaıdy Almaty-akshamy.kz Egemenge kz silteme jasap.
Mamandardyń aıtýynsha, mańǵystaýlyq fermerler jerdi aýyl sharýashylyǵy maqsatyna paıdalanýǵa alǵanymen, is júzinde kádesine jaratpaǵan. Sondyqtan Mańǵystaý oblysynda ıgerilmegen 303 myń gektar jer qaıta memleket menshigine alynǵan.
2020 jyly bos jatqan alqaptardy anyqtaý úshin Qazaqstannyń 4 oblysyna ǵaryshtan monıtorıń jasaý jobasy iske qosylǵan bolatyn. Zertteý nátıjesinde Mańǵystaý oblysyndaǵy 2 mıllıonnan astam jerdiń bos jatqany anyqtalǵan. Ótken jyly 445 sharýaǵa eskertý berilgen.
«Jalpy, aýyl sharýashylyǵyna tabystalǵan 3 mln gektardaı jer bar. Qaraqıa aýdany negizinen kólemdi jerdi qaıtardy, Mańǵystaý aýdanynan 12 sharýashylyq 154 myń gektardaı jerdi qaıtarsa, Beıneý aýdanynda iri kólemdegi sharýashylyq bolmaǵandyqtan, 45 myń, 10 myń gektar jer qaıtarylyp jatyr. Jerdi 1 jyl ishinde paıdalanbaǵany anyqtalsa, áýeli eskertý beriledi», - dedi oblystyq jer qatynastary basqarmasynyń basshysy Esemurat Dúzmaǵambetov.