Ulttyq statısıka búrosy elimizdegi arnaýly áleýmettik qyzmetter kórsetetin uıymdar týraly málimetterdi jarıalady.
Vedomstvo málimetinshe, 2022 jyldyń sońynda Qazaqstanda arnaýly áleýmettik qyzmetter kórsetetin 281 uıym (2021 jyly – 272 birlik) boldy, onyń ishinde stasıonarlyq úlgidegi 172 uıym, jartylaı stasıonar – 75, ýaqytsha qabyldaıtyndar – 31, sondaı-aq arnaýly áleýmettik qyzmetter kórsetýdiń birneshe sharttary bar 3 uıym bar, dep habarlaıdy Almaty-akshamy.kz Ulysmedia.kz-ke silteme jasap.
“2022 jyldyń sońynda osy uıymdarda turatyndardyń sany 40 321 adamdy qurady, onyń ishinde zeınet jasyndaǵylar – 13 624 adam (33,8%), Uly Otan soǵysynyń qatysýshylary men múgedekteri – 14 adam (0,03%)”, – delingen habarlamada.
Arnaýly áleýmettik qyzmetter kórsetý jónindegi uıymdarda turatyndardyń negizgi kontıngenti – múgedektigi bar adamdar. Olardyń sany – 24 724 adam nemese qyzmet alýshylardyń jalpy sanynyń 61,3%-y.
Aıta keteıik, 245 mekeme memlekettik menshikte bolsa, 36-sy jeke menshikte (onyń ishinde sheteldik menshikte – 4).
Búginde Qazaqstanda qarttar men múgedektigi bar adamdarǵa arnalǵan 48 medısınalyq-áleýmettik mekeme jumys isteıdi, onda 5 756 adam turady. 2021 jyly 53 qarttar úıi jumys istedi, onda 7 321 adam turdy.