Grýzıa, Qyrǵyzstan, Reseı, Túrkıa, Ózbekstan alǵashqy bestikke kiredi.
Ulttyq bank bizdiń elden qaı elderge jıi aqsha jiberiletinin aıtty, dep habarlaıdy Almaty-akshamy.kz
Alynǵan transfertter boıynsha 5 eldiń kósh basynda Ońtústik Koreıa turdy, odan keıin AQSH, Ózbekstan, Qyrǵyzstan, eń sońynda Reseı reıtıńti japty.
Ulttyq banktiń málimetinshe, 2022 jyly Halyqaralyq aqsha aýdarý júıeleri (HAAJ) arqyly júzege asyrylǵan aqsha aýdarymdarynyń jalpy kólemi - 1,8 trln teńge. 2021 jylmen salystyrǵanda operasıalardyń 32,7% óskeni baıqalady.
"Tranzaksıalardyń negizgi úlesi, ıaǵnı 94,7%-y - Qazaqstan men basqa elder arasyndaǵy transshekaralyq aqsha aýdarymdary. 2022 jylǵa shetelge jiberilgen jáne shetelden alynǵan aqsha aýdarymdarynyń ortasha somasy shamamen birdeı: sáıkesinshe 415 myń teńge jáne 413 myń teńge", delingen QUB baspasóz qyzmeti taratqan aqparatta.
Bul rette Qazaqstannan shetelge jiberilgen aqsha aýdarymdary somasy 2,4%-ǵa birshama óse túsken tusta HAAJ arqyly basqa elderden alynǵan aqshalaı aýdarymdardyń kólemi aıtarlyqtaı (2,4 ese) óskeni baıqalady.
"2022 jyly HAAJ arqyly alynǵan aqsha aýdarymdarynyń ósýi Reseıden (6,8 esege), Qyrǵyzstannan (ósim 2,8 esege) jáne AQSH-tan (33% ósim) aqsha aýdarymdary kóleminiń ulǵaıýymen baılanysty boldy", - delingen QUB baspasóz qyzmetiniń málimetinde.
Sonymen qatar 2022 jyly Qazaqstanda aqsha aýdarymdarynyń kólemi 34,6% óskeni habarlandy. HAAJ arqyly bir jergilikti aqsha aýdarymynyń ortasha somasy 178,8 myń teńge boldy. Bul 2021 jyldyń sáıkes kórsetkishinen 58,0% artyq.