Búgingi tańda biryńǵaı platformada 3 myń 400-den asa volontórlik uıym jumys isteıdi.
Onyń quramyna 51 myńǵa jýyq volontór kiredi, dep habarlaıdy Almaty-akshamy.kz
Aqmolalyq erli-zaıypty Andreı men Marına Lýtoshkınder 2014 jyldan beri volontórler qatarynda. Ekeýi óńirdegi kóptegen aksıalardy, sonyń ishinde halyqaralyq jobalardy da ózderi basqarady.
«Volontórlik – shyn kóńilmen isteseń, ózińe erekshe sezim syılap, shabyt beretin, keremet áserlerge toly is. Biz baǵyt tańdamaımyz. Qaı salaǵa kómegimiz kerek, sol jerden tabylamyz. Talaı ekologıalyq aksıalarǵa, aǵartý jumystary men tarıhı izdenisterge de atsalystyq», - deıdi volonter Andreı Lýtoshkın.
Qazaqstanda volontórlik qyzmetke joǵary deńgeıde nazar aýdarylyp, mártebesi artyp keledi. Al arnaıy ázirlengen mobıldi qosymsha volontórlikpen aınalysýǵa nıettilerdi qozǵalysqa tez arada tirkeýge jáne olardyń ózara baılanysyn jaqsartýǵa múmkindik beredi.
«Mobıldi qosymshany júktep alǵan ýaqytta ekranda «Siz kómekke muqtajsyz ba?» nemese «Kómek bergińiz kele me?» degen suraq shyǵady. Eger kómek bergińiz kelse, siz – volontórsiz. Ózińizdi tirkep, aty-jónińizdi jazyp bolǵannan keıin, qaı jerde jáne qandaı adamǵa kómek kerek ekendigi kórsetilgen habarlama keledi. Bul, bir jaǵynan, adamdar men volontórler arasyndaǵy jumysty tez baılanystyrady», - deıdi oblystyq «Jastar» resýrstyq ortalyǵynyń jetekshisi Mánsıa Esekeeva.