Mamandar osy baǵytta jumys istep jatyr.
Memleket basshysynyń tapsyrmasy boıynsha Qazaqstannyń Eńbek jáne halyqty áleýmettik qorǵaý mınıstrligi ázirlegen Qazaqstan Respýblıkasynyń zeınetaqy júıesin odan ári jańǵyrtýdyń 2030 jylǵa deıingi tujyrymdamasyna ózgerister men tolyqtyrýlardy múddeli memlekettik organdar jáne táýelsiz sarapshylar, sondaı-aq Qazaqstan Prezıdenti janyndaǵy reformalar jónindegi Joǵary keńes qarady, dep habarlaıdy Almaty-akshamy.kz.
«Búgingi tańda Qazaqstanda 2 mln-nan astam zeınetker bar, olardyń árqaısysyna shamamen eńbekke qabiletti jastaǵy 7 adam keledi. Respýblıkalyq búdjet shyǵystarynyń tórtten bir bóligi jyl saıyn zeınetaqy tóleýge jumsalady (2022 jyly 2,9 trln teńge). Bul rette zeınetaqynyń ortasha mólsheri 105 538 teńgeni quraıdy (sonyń ishinde yntymaqty zeınetaqy – 72 914 teńge, bazalyq zeınetaqy – 32 624 teńge)», - delingen Eńbekmıni bapsasóz qyzmetiniń habarlamasynda.
Halyqtyń jalpy álemdik qartaıý úrdisi Qazaqstanǵa da sózsiz áser etedi. BUU boljamdary boıynsha, 2050 jylǵa qaraı eńbekke qabiletti halyqqa júkteme eki ese artady (zeınetkerler sany 3 mln-nan astam adamǵa jetedi). Osylaısha, 1 zeınetkerge eńbekke qabiletti jastaǵy 3,5 adam ǵana keledi.
Yntymaqty júıeniń jınaqtalýymen 2028 jylǵa qaraı zeınetaqy el boıynsha ortasha aılyq jalaqynyń shamamen 47,4%-yn ǵana almastyratyn bolady (BJZQ-nyń aktýarlyq baǵalaýy boıynsha). Búgingi tańda sheshýshi sharalar qabyldanbaı, ótken ǵasyrdyń 80-shi jyldarynda dúnıege kelgen azamattar zeınetkerlik jasqa jetken kezde, óte tómen zeınetaqy alatyn bolady – olardyń zeınetaqysy 2040 jylǵa qaraı joǵalǵan eńbek tabysynyń tek 39,2%-yn ǵana jabatyn bolady. Keıingi urpaq úshin bul jaǵdaı odan da tómendeı túsedi, mysaly, 2060 jyly zeınetaqy joǵalǵan tabystyń 29,5%-yn ǵana jabatyn bolady.
Azamattardy zeınetaqymen qamsyzdandyrý júıesin damytý – memlekettiń basym mindetteriniń biri. Bolashaqta zeınetaqy júıesiniń tıimdiligin qamtamasyz etý úshin qazirgi ýaqytta zeınetaqy júıesin odan ári jańǵyrtýdyń 2030 jylǵa deıingi qoldanystaǵy tujyrymdamasyna ózgerister men tolyqtyrýlar engizý boıynsha jumys júrgizilýde.
Birinshiden, eń tómengi kepildikter júıesin jetildirý sheńberinde 2028 jyldan bastap bazalyq zeınetaqy tóleminen eń tómengi kepildendirilgen zeınetaqyǵa kóshý kózdelgen. Qazirgi ýaqytta Eńbekmıni ony taǵaıyndaýdyń naqty tetigin pysyqtaýda.
Ekinshiden, 2023 jyldan bastap jumys berýshilerdiń 5% mindetti zeınetaqy jarnalaryn engizý kózdelgen. JMZJ engizý qoldanystaǵy tujyrymdamada kózdelgen. Tujyrymdamaǵa túzetýler jobasy sheńberinde salymshylardyń jeke (muraǵa qaldyrylǵan) zeınetaqy jınaqtaryn tolyqtyrýǵa shartty-jınaqtaýshy quramdaýyshty qalyptastyrýdan (shartty túrde «baı» jáne tabysy tómen salymshylar arasynda jınaqtardy qaıta bólý qaǵıdattaryna negizdelgen) osy jarnalardyń nysanaly baǵytyn ózgertý kózdeledi.
Nátıjesinde azamattardy zeınetaqymen qamsyzdandyrý deńgeıin halyqaralyq eńbek uıymy usynatyn standarttan tómen emes deńgeıde saqtaý qamtamasyz etiledi (joǵalǵan tabystyń keminde 40%-yn zeınetaqymen almastyrý).
Tujyrymdamaǵa ózgerister jobasynda kórsetilgen zeınetaqy júıesin odan ári damytý tásilderi múddeli memlekettik organdar deńgeıinde, táýelsiz sarapshylardyń qatysýymen qaraldy, sondaı-aq qoǵamdyq tyńdaý rásiminen ótti.
Ótken jyldyń 7 jeltoqsanynda tujyrymdamaǵa ózgerister jobasyn QR Prezıdenti janyndaǵy reformalar jónindegi Joǵary keńes qarady.
Búgingi kúni respýblıkalyq búdjet komısıasynyń tujyrymdamaǵa engiziletin ózgerister jobasynyń shyǵyn normalaryn qaraýy kútilýde.