Jańbyr, qar jaýady.
«Qazgıdromet» mamandary naýryzdyń 26-28 kúnderi aýa raıy qandaı bolatynyn boljady, dep habarlaıdy Almaty-akshamy.kz.
Sınoptıkterdiń boljamy boıynsha, Skandınavıa aýdandarynan keletin sıklon, respýblıkanyń batys jáne soltústik óńirlerine aýysady, al Qazaqstannyń ońtústik jáne ortalyq aýdandary ońtústik sıklonnyń yqpalynda qalady. Ol jańbyr men qar túrinde jaýyn-shashyn alyp keledi.
«Eldiń soltústigi men batysynda oǵan qosa boran soǵady. Ońtústikte negizinen jańbyr boljanady. Taýly, taý bókterindegi aýdandarda qatty jaýyn-shashyn, tuman, kóktaıǵaq bolady.28 naýryzda eldiń ońtústik jáne ońtústik-shyǵys bóliginde jaýyn-shashynsyz aýa raıy kútiledi. Respýblıka boıynsha jel kúsheıedi. Soltústikte túngi temperatýra -10...20-dan -5...15 aıazǵa deıin, kúndiz 0...-8 aıazdan -5 aıaz...+3 jylýǵa deıin bolady. Ońtústikte túnde -6 aıaz...+5 jylý aralyǵynda, kúndiz -12...17-den -5...10 jylýǵa deıin tómendeıdi.Eldiń batysynda túnde -5 aıaz...+5 jylý, kúndiz termometr baǵandary 0...+10 gradýs jylýdy kórsetedi», - delingen «Qazgıdromet» RMK habarlamasynda.