Monıtorıń jalǵasatyn bolady.
Qazaqstan mamandary sapasyz bıtýmdy paıdalanýdyń aldyn alý maqsatynda tekserý jumystaryn júrgizip jatyr, dep habarlaıdy Almaty-akshamy.kz.
«Kózdelgen negizgi maqsat — qurylys nysandaryn, avtomobıl joldaryn rekonstrýksıalaý men jóndeý jumystaryn sapaly bıtýmmen qamtamasyz etý, sondaı-aq sapasyz ónimdi paıdalaný faktileriniń aldyn alý», - delingen QR IIDM baspasóz qyzmetiniń habarlamasynda.
Zertteý jumystary QR ST 1373-2013 talaptaryna sáıkes júrgiziledi. Búgingi tańda QazjolǴZI zerthanalarynda "PMHZ" JSHS jáne "Qazaqbıtým" JSHS syndy óndirýshiler jasap shyǵarǵan bıtýmdardyń 8 synamasy boıynsha zertteý júrgizildi. Bıtýmdar óndirýshi zaýyttardyń talaptaryna sáıkes zerdelendi. Tekserý nátıjeleri boıynsha zaýyttardyń bıtýmdary málimdelgen normatıvtik qujattardyń talaptaryna sáıkes keletini anyqtaldy. Aıta keterligi, bıtým synamalary "óndirýshi zaýyttardan", sondaı-aq avtomobıl joldaryn salý, rekonstrýksıalaý jáne jóndeý obektilerinen alynǵan.
Sapasyz bıtýmdy paıdalanýdyń aldyn alý maqsatynda taýar sapasyna jasalatyn monıtorıń jalǵasatyn bolady. Monıtorıń nátıjeleri elimizdiń túrli jol-klımattyq aımaqtarynda bıtýmnyń ártúrli markalaryn qoldaný salasyn belgileý úshin paıdalanylady dep josparlanýda.