Uzaq merzimge jetkilikti turaqty qor bar.
Aýyl sharýashylyǵy mınıstrliginiń mamandary apta saıyn monıtorıń júrgizip otyrady. Olardyń aıtýynsha, respýblıka boıynsha jalpy kólemi 819 myń tonna túrli azyq-túlik taýarlarynyń qory bar, dep habarlaıdy Almaty-akshamy.kz.
«QR Aýyl sharýashylyǵy mınıstrligi azyq-túlik taýarlarynyń 32 túri boıynsha óńirlerdiń qamtamasyz etilýine apta saıyn monıtorıń júrgizedi. Monıtorıń turaqtandyrý qorlaryndaǵy, iri saýda jelilerindegi, jetkizýshiler men qaıta óńdeý kásiporyndarynyń qoımalaryndaǵy qorlardy eskeredi», delingen Aýyl sharýashylyǵy mınıstrliginiń baspasóz qyzmetiniń habarlamasynda.
Resmı málimet boıynsha, óńirlerdiń jedel derekteri boıynsha aǵymdaǵy jyldyń 19 tamyzynda respýblıka boıynsha jalpy kólemi 819 myń tonna túrli azyq-túlik taýarlarynyń qory bar, onyń ishinde óndirýshi kásiporyndarda – 301 myń tonna, qoımalarda – 86,6 myń tonna, saýda jelilerinde – 374 myń tonna, turaqtandyrý qorlarynda – 18,3 myń tonna. Budan basqa, 495,7 mln. dana jumyrtqa qory bar.
«Kórsetilgen kólem ónim túrlerine baılanysty bir aıdan alty aıǵa deıingi merzimge jetkilikti. Azyq-túlik taýarlarynyń óndirisi artyp, qorlar únemi jańartylyp, tolyqtyrylyp otyrady. Sondyqtan olar boıynsha tapshylyq joq jáne uzaq merzimge jetkilikti turaqty qor bar»,– dep habarlaıdy mamandar.