Baı memleketter KVI-ǵa qarsy úshinshi ekpe salýdy bastaýy yqtımal.
Álem memleketteri koronavırýs ınfeksıasymen kúresti jalǵastyryp jatyr, alaıda bul aýrýdyń qarqyny tómendemeı tur, dep habarlaıdy Almaty-akshamy.kz Qazaqstandaǵy COVID-19 taralýyna jol bermeý jónindegi VAK-ǵa silteme jasap.
Iran
Iran Islam Respýblıkasynda 17 tamyz kúni absolútti antırekord - aýrýdyń 50 myńnan astam jańa jaǵdaıy tirkelgen bolatyn. Ótken táýlikte 36 419 jańa fakti qosyldy. Jalpy alǵanda, juqtyrǵandar sany 4 677 114-ke jetti, 102 038 adam qaıtys boldy. El Prezıdenti Ebrahım Raısı jańa Úkimettiń negizgi mindetteri koronavırýsqa qarsy vaksınasıa jáne medısınalyq kómekti jaqsartý bolady dep málimdedi. Qazir el halqynyń tek 6%-y COVID-19 vaksınasynyń eki dozasyn aldy.
Indonezıa
Qaıǵyly kórsetkish. Indonezıa COVID-19-dan ólim-jitim sany boıynsha álemde 1-oryndy saqtap otyr. Antırekord 19 tamyzda ornatyldy - bir kúnde indet 1 492 turǵynnyń ómirin qıdy. Al qaza bolǵandardyń jalpy sany 123 981-ge jetti. Indonezıadaǵy adam qazasynyń joǵary deńgeıi «delta» shtammynyń taralýyna baılanysty. El bıligi Ulttyq qonystaný jáne otbasyn josparlaý agenttiginen júkti jáne bala emizetin áıelderdi koronavırýsqa qarsy vaksınasıalanýǵa yntalandyrýdy surady.
Avstralıa
Avstralıanyń eń úlken qalasy koronavırýstyq ınfeksıanyń órshýin jeńe almady. Sıdneı men onyń aınalasyndaǵy jaǵdaı apatty sıpatqa ıe boldy. Bılik jańa shekteýlerdi engizýde, al COVID-19 aýrýy boıynsha sandar kún sanap ósýde. Jańa Ońtústik Ýels shtatynyń Premer-mınıstri Gledıs Berejıklán turǵyndardy jańa kovıd-shyndyqqa beıimdelýge shaqyrdy.
"Biz planetadaǵy áli de lokdaýn kúıinde ómir súrip jatqan ulttardyń birimiz. Biz shekaralardy asha bastaǵan sátte, ár shtatta aýrýdyń órshýi oryn alady, bizdiń maqsatymyz - adamdardyń qaýipsizdigi men densaýlyǵyn qamtamasyz etý", - dep túsindirdi Berejıklán.
KHDR
Eýropa pandemıamen kúreste Soltústik Koreıaǵa qoldaý kórsetedi.Germanıa koronavırýstyń taralýyna qarsy turýǵa kómektesý úshin mamandar jiberedi. Pandemıa jarıalanǵannan beri Phenán shekarany jaýyp, azamattardyń erkin qozǵalysyn shektedi. KHDR - jabyq el. Tamyz aıynyń basyndaǵy málimetterge sáıkes, 35 myńnan astam adam koronavırýsqa test tapsyrdy, biraq ınfeksıa týraly habarlanǵan joq. Soǵan qaramastan, BUU Qaýipsizdik Keńesi komıteti Germanıanyń Soltústik Koreıaǵa gýmanıtarlyq kómek kórsetý baǵdarlamasyn júzege asyrý týraly ótinimin maquldady.
Shvesıa
Shvesıa koronavırýsqa qarsy úshinshi ekpe salýdy bastaýy yqtımal. Stokgolm ákimshiligi el Úkimetinen qarttar úıindegi jáne COVID-19 qaýip-qater tobyndaǵy azamattardy qalaı jáne qashan qaıta vaksınasıalaýdy bastaıtyny týraly aqparat berýdi talap etti. Bul Shvesıada koronavırýstyq ınfeksıanyń kóbeıýine baılanysty.