Elimizde temperatýra rejımi saqtalmaǵany úshin koronavırýsqa qarsy 4,5 myń vaksına jaramsyz tanyldy. Bul týraly QR Densaýlyq saqtaý birinshi vıse-mınıstri Marat Shoranov aıtty, dep habarlaıdy almaty-akshamy.kz QazAqparatqa siltema jasap.
Ortalyq komýnıkasıalar qyzmetinde ótken baspasóz máslıhaty barysynda birinshi vıse-mınıstr elimizde koronavırýsqa qarsy vaksınalaý bastalǵannan beri vaksınany saqtaý, tasymaldaý máselesine únemi monıtorıń júrgizilip kele jatqanyn aıtty.
«Sol monıtorıńke sáıkes, osy jyldyń aqpan aıynnan bastap 4,5 myń vaksınanyń temperatýra rejımi saqtalmaǵany anyqtaldy. Erejege sáıkes, mundaı vaksınalar esepten shyǵarylýy kerek. Bul vaksınalardy adamdarǵa egýge bolmaıdy. Sondyqtan olar esepten shyǵaryldy», - dedi Marat Shoranov.