Qazaqstan ulttyq quramasy Ózbekstanmen joldastyq oıyn ótkizip, 0:2 esebimen jeńildi, dep habarlaıdy Almaty-akshamy.kz inbusiness.kz-ke silteme jasap.
Tashkent qalasynda ótken joldastyq oıyn alań ıeleriniń jeńisimen aıaqtaldy. Kezdesýde esep ashqan Hodjımat Erkinov edi. Ol oıynnyń 12-mınýtynda Igor Shaskıı qorǵaǵan qaqpany týra kózdedi. Artynsha Qazaqstan quramasynyń kapıtany Asqat Taǵybergenniń soqqysy qaqpa baǵanynan qaıtty. Úziliske sanaýly mınýttar qalǵanda Ózbekstan quramasynyń shabýylshysy Eldor Shomýrodov esepti eseledi.
Ekinshi taımdy Qazaqstan quramasy belsendi bastaǵanymen esepti ózgerte almady. Bas bapker Magomed Adıev alańǵa birneshe oıynshyny shyǵardy. Onyń ishinde ulttyq quramaǵa uzaq úzilisten keıin qaıta oralǵan Baýyrjan Islamhan boldy.
Bizdiń qurama kelesi joldastyq oıynyn 19 qarasha kúni Abý-Dabı qalasynda Birikken Arab Ámirligi quramasymen ótkizedi.