Kóktaıǵaqtyń aldyn alý maqsatynda 126 qumshashqyshtyń kúshimen joldarǵa kóktaıǵaqqa qarsy materıaldar sebiledi. 17 qarashada saǵat 06:00-degi jaǵdaı boıynsha 2856 tonna materıal paıdalanyldy, dep habarlaıdy Almaty-akshamy.kz.
Almaty qalasy komýnaldyq ınfraqurylymdy damytý basqarmasynyń málimetinshe, qalada 8-10 sm qar jaýdy, taý bókterinde – 16 sm-ge deıin qar jaýdy, taýly aýdandarda – 21 sm-ge deıin. Qalanyń joǵarǵy bóliginde qar shyǵarý jumystary bastaldy. 105 m3 qar shyǵaryldy.
Trotýarlardy, qoǵamdyq kólik aıaldamalaryn, jer ústi jáne jerasty ótkelderin tazalaý jumystary júrgizilýde. Túngi kezeńde 414 birlik tehnıka, onyń ishinde 126 qumshashqysh, sondaı-aq 379 jol jumysshysy jumyldyryldy. Tańerteń qala kóshelerine 452 birlik tehnıka jáne 1280 jol jumysshysy shyǵaryldy.
Aýdan ákimdikterinde qar tazalaý jumystarynyń júrgizilýin baqylaý boıynsha táýlik boıy kezekshilik uıymdastyryldy.
Qurmetti almatylyqtar!
Qardyń túsýine jáne aýa temperatýrasynyń tómendeýine, tumanǵa, joldar men trotýarlardaǵy aýa ylǵaldylyǵynyń joǵarylaýyna baılanysty kóktaıǵaq, muz paıda bolady dep boljanýda.
Júrgizýshilerdi apattar qaýpiniń joǵarylaýyna baılanysty jyldamdyqty tómendetýge, avtomobılder arasyndaǵy qashyqtyqty arttyrýǵa jáne manevr jasaýdan aýlaq bolýǵa shaqyramyz.
Jaıaý júrginshilerden trotýarlarda júrgende abaı bolýdy, shuǵyl qajettiliksiz úıden shyqpaýdy suraımyz.
«Qazgıdromet» RMK boljamy boıynsha kúndizgi ýaqytta jaýyn-shashyn bolmaıdy. Aýa temperatýrasy kúndiz 17 qarasha – 0...+2°S.