5000 danamen shyqqan jınaq kitaphanalarǵa, balalar úılerine, jalpy bilim beretin mektepterge tegin taratylady.
Qazaqstan tarıhyn oqyrmandar úshin tyń komıks formatynda basyp shyǵarýdyń bastamashysy BAURZHAN foundation qaıyrymdylyq qory, dep habarlaıdy Almaty-akshamy.kz
Almatyda Qazaqstan tarıhynyń aıtýly oqıǵalaryn baıandaıtyn alǵashqy komıks kitaptyń tusaýy kesildi.
İs-shara Jambyl atyndaǵy balalar men jasóspirimder kitaphanasynda ótti. Jańa jınaqtyń ereksheligi ol qazaqstandyq jas sýretshilerdiń jaqynda ótken ılústrasıa baıqaýynda úzdik dep tanylǵan jumystarmen tolyqqan.
Qazaqstan tarıhyn oqyrmandar úshin tyń komıks formatynda basyp shyǵarýdyń bastamashysy BAURZHAN foundation qaıyrymdylyq qory. Kitap KHAN Comics art-stýdıasymen birigip daıyndalǵan.
Kitapty shyǵarýshylardyń aıtýynsha 5000 danamen shyqqan jınaq Qazaqstannyń kitaphanalaryna, balalar úılerine, jalpy bilim beretin mektepterge tegin taratylady.
Jınaqqa barlyǵy 70 úzdik ılústrasıa engizildi, ol jerde oqyrmanǵa el úshin mańyzdy mádenı, sporttyq jáne saıası oqıǵalar týraly komıks tilimen baıandalady. Erekshe kitaptyń keıipkerleri ulttyq valútanyń alǵashqy nusqasy, Qazaqstannyń osy kúnge deıingi Olımpıada oıyndaryndaǵy jetistigi, álemdik arenada tanylǵan otandyq óner ıeleri, sportshylarymen tanysa alady. Olardyń ishinde Gennadıı Golovkın, Dımash Qudaıbergen syndy tanymal azamattar da bar.
«Komıkster mańyzdy taqyryptardy qamtyǵan. Bul janrdyń jas býyn arasynda úlken aýdıtorıasy bar jáne jyl saıyn olardyń qatary artyp keledi. Jobanyń maqsaty tek aǵartýshylyq qyzmet qana emes, birinshi kezekte, qazaqstandyq jas sýretshi-ıllústratorlardy qoldap, olardyń shyǵarmashylyǵyn nasıhattaý bolyp tabylady», – dedi jobanyń úılestirýshilerdiń biri Saıda Ibragımova.