Elimizde jeńil jol-kólik oqıǵasynan keıin saqtandyrý tólemin alý úshin qujattardy resimdeýge múmkindik beretin Eýrohattama qabyldaý josparlanýda
Qarjy naryǵyn retteý jáne damý agenttiginiń málimetinshe, Eýrohattama saqtandyrý jaǵdaıyn retteýdiń jeńildetilgen tártibi bolyp esepteledi, dep habarlaıdy Almaty-akshamy.kz
Ol, ásirese, Eýropa elderiniń kópshiliginde jáne Reseı, Belarýs, Ýkraına, Armenıa, Ózbekstan sıaqty birqatar TMD elderinde usynylǵan.
- Búginde joldarda kóptegen usaq jol-kólik oqıǵasy bolady. Onyń kóbisinde adam zardap shegip, múlikke zıan kelmeıdi. Biraq saqtandyrý tólemin alý úshin júrgizýshiler jol polısıasy qyzmetkerlerin shaqyryp, hattama toltyryp, sot sheshimin kútedi. Bul proses eki aıǵa deıin sozylady. Saqtandyrý naryǵyn damytý týraly zań jobasyn qaraý barysynda Májilis depýtattary jeńil jazataıym oqıǵalar kezinde saqtandyrý tólemderin alý tártibin jol polısıasy qyzmetkerleriniń qatysýynsyz Eýrohattama negizinde ońaılatý máselesin kóterdi, – delingen habarlamada.
Agenttik málimetinshe, bul prosedýra jazataıym oqıǵany tirkeý jáne zardap shekkenderdiń saqtandyrý tólemderin alý ýaqytyn aıtarlyqtaı qysqartady.
Eýrohattama mynadaı sharttarda qoldanylýy múmkin:
- jol-kólik oqıǵasy eki kóliktiń soqtyǵysýy nátıjesinde bolsa;
- jol-kólik oqıǵasy nátıjesinde kólik quraldaryna ǵana zıan kelse (ómiri men densaýlyǵyna zıan kelgen jábirlenýshiler bolmaǵan, úshinshi tulǵalar múlkine zıan keltirilmegen jaǵdaıda);
- JQO-ǵa ushyraǵan eki júrgizýshiniń de saqtandyrý polısiniń bolýy;
- JKO-ǵa qatysýshylar arasynda kim kináli degen máselede kelispeýshilikterdiń bolmaýy;
- JKO-ny tirkeý sot sheshiminsiz jáne ishki ister organdary qyzmetkerlerinsiz júrgizilse;
- saqtandyrý tólemi bir saqtandyrý jaǵdaıy boıynsha 100 AEK (2022 jyly 306 myń teńge) sheginde júzege asyrylady.