İrikteý týrnırin Astanada bastaǵan Qazaqstan fýtzal quramasy alǵashqy kezdesýde jeńiske jetti
Elordadaǵy "Jekpe jek" sport kesheninde Qazaqstan men Slovenıa quramalary arasynda resmı mach oınaldy, dep habarlaıdy Almaty-akshamy.kz inbusiness.kz-ke silteme jasap.
Eýropa chempıonatynyń irikteý týrnıri aıasynda kezdesken qos qurama jankúıerler kóńilinen shyǵatyn oıyn kórsetti. 2024 jyly bolatyn Eýropa chempıonatyna barý úshin Qazaqstan quramasy aldymen óz tobynda jeńiske jetýi qajet. Topta eki komanda. Onyń biri Slovenıa, ekinshisi Chernogorıa quramasy.
Slovenıa osal qarsylas emes. Olar Álem chempıonatynda óner kórsetken. Dál bizdiń tobymyzda oınap, Qazaqstan quramasyna sol shaqta tegeýrindi qarsylyq kórsetti. Bul joly da solaı boldy. Dese de, oıynnyń bastapqy bóliginde jyldam salynǵan gol Qazaqstan quramasyna tamasha kóńil-kúı syılady. 6 mınýtta Albert Aqbalyqov esep ashyp, komandamyzdy jeńiske jeteledi. Odan keıin qonaqtar da birneshe múmkindikter jasap, qorǵanysymyzdyń degbirin qashyrdy. Al kezdesýdiń 35 mınýtynda Dýglas esepti eselep, jeńimpaz jaıly saýalǵa núkte qoıdy. Qazaqstan quramasy osy esepti ustap qaldy.
Qorjynymyzda endi 3 upaı. Kelesi oıyndy Qazaqstan quramasy 12 qazan kúni Chernogorıada ótkizedi. Ol machta da Kaka shákirtterine jeńis qajet.